" لا نجع لا مرحولة "
♥راس بيت ♥
♦لانجع
لامرحول رآحوا أسنينا.. صدفه على أوهام العزآز ألفينا
♥اضافه الشاعر علي أبوشنه الندوي♥
♦لانجع
لامرحول لامرحوله.. ولا أم الجنايب في البساط علطوله
اليوم
أثرهم غابي طغى قندوله.. أمفيت المناصب مابصيره ألقينا
طفنا
على لوهام درنا جوله.. ألحقنا الندم ياريت ماصبينا
كميت
دمعتي فاضت وجت مهموله.. أنا والمناصب بالدموع بكينا
يانويرتي
ياكبيدتي المسحونه.. وين الغوآلي اللي عزآز علينا
اليوم
أثرهم وأوكارهم مجهوله.. عليك وقت مافيهش أمان ياخينا
ولانجع
لامرحول رآحوا أسنينا.. صدفه على أوهام العزآز ألفينا
♥رد
الشاعرة علياء الندوي على الشاعر علي
أبوشنه الندوي ♥
♦لانجع
لامرحول رآحوا أسنينا.. صدفه على أوهام العزآز ألفينا
وين
بنمشوله النجع اللي غادر مرحوله.. الله الدآيم غير وين هز عوينه
أهنا
كان حشدهم ملموم وليهم صوله.. شياب وشيابين وعشره زينه
ياأميمتي
كان أثرهم نرعوله.. وغير نارهم في القلب تشعل فينا
وديارهم
أطلال فيها الغوله.. وزي حنهم لوقتنا مارينا
وبدرهم
مصرع سريع أفوله.. وظمة حنان لحظنهم تكفينا
..
♥ اضافه
الشاعر عصام الرحيبي ♥
الوقت
هو هو.. بربيعه وخريفه وشتاه ونوه
أما
البنادم ماصنع وسوا.. الباهيا للباهي والشين يلقى شينا
وأعزآزنا
من قبل مش من توا.. يضلوا غوآلي وإن غاب شبحت عينا
موكرهم
مازآل حتى نسمته محلوا .. ومازآل في خاطرك كلمة ياحبيب جينا
دمعي
المناقع والوآدي سمع الدوه.. وإن مريتي بوآدي أمسين ماتنسينا
اللي
غابوا عليه ماعاد يصفى جوه.. يصبر في روحه ويقول بينا بينا
ولانجع
لامرحول رآحوا أسنينا.. صدفه على أوهام العزآز ألفينا
♥رد الشاعر علي أبوشنه الندوي على الشاعر
عصام الرحيبي ♥
♦لانجع
لا أمرآحيل.. ولاأم الجنايب في الثقيل أتشيل
ولاكلاب
تنبح لاصياح عويل .. أمفيت الصدى من البعد رد علينا
سرحت
أبخيالي في زمان جميل.. دوباش مانعست العين غفينا
يغناه
حافل سيحهم بالخيل.. وبيوت منصوبه إيسار إيمينا
.. ويغناه عيشه لابسه أخلاخيل.. أتقابل معاها
فاطمه وشنينا
ويغناه
الغنم مدت أتقولش سيل.. غطت السيح وجملة أترآكينا
.. تبان نارهم ضوت ظلام الليل.. أوتوا العاله للطويسه الزينه
.. تبري أوجاع اللي رقد عليل.. ساهر أفليله
ماغفتشي عينه
وجابوا
الشكاوي هيل ماهن كيل.. كرع أبفمك ماتقول أعطينا
لحظات
مرن ساعة التعسيل.. ياريت منهن مادقيقه صحينا
رميت
النضر مالقيت عندي حيل.. أمفيت الأثر ماشي فيه ألقينا
يانويرتي
ياحرقتي بالحيل.. على وقت عدا مايعودش لينا
ولانجع
لامرحول رآحوا أسنينا.. صدفه على أوهام العزآز ألفينا
..
♥اضافه
جديده للشاعره علياءالندوي♥
نبو
أيعاود نجع بمرآحيل.. وأم الجنايب شوق ياماتشيل
وكلاب
تنبح مع صياح عويل.. .. في سيوح البقر مع اللي عزآز علينا
ويعود
الزمن اللي كان جميل.. نعيدوه حتى أسبوع ياغالينا
ويبدأ
السيح حافل بصهيل الخيل.. وبيوت منصوبه إيسار إيمينا
ونعيدوا
الماضي ونلبسوا خلاخيل.. غزآلات مافيناش وحده شينا
وشويهاتنا
ترعى أتقولش سيل.. .. بسمر وحكاوي وشعر وأغانينا
وطويسة
الشاهي دوآء العليل.. تبري أوجاع الراس من أيدين الزينا
وتبدأ
الشكاوي كيلهم بالهيل.. .. تروي عطش النفس وتكفينا
وليش
البكاء على أثر كان جميل.. . نجربوا نعيدوه كان ربنا عاطينا
نشدوا
أيدينا باش يقوى الحيل.. ونعاودوه الوقت كان بغينا
ولانجع
لامرحول رآحوا أسنينا.. صدفه على أوهام العزآز ألفينا
..
♥ ردالشاعر
عصام الرحيبي على علياءالندوي ♥
♦لانجع
لاباصيره.. ولاعين من تحت اللحاف كبيره
ولازكار
تسمع دنقته وبنديره.. ويغيب الفارس ماعاد نشدوا وينه؟
مشي
بفرحته اللي كان صابا شعيره.. يرحم الله أيام قوتنا بأيدينا
زمان
وين كان يملأ المطر غديره.. هدآك يوم حتى الغني غنينا
والعيش
يقسموا ع الجار حق الجيره.. وإن وسع الله الرزق فكوا دينا
سلمنا
بحكم الله ومقاديره.. ترجع أيامك بالزهى يازينا
ولانجع
لامرحول رآحوا أسنينا.. صدفه على أوهام العزآز ألفينا
..
♥ اضافه الشاعر علي أبوشنه الندوي♥
صدفه
عليه مريت.. .. لأوهام هلي غاليين حنيت
أهني
كان أوكارهم والبيت.. أهني وين كان السيد يرجى فينا
أهني
وين فرشنا أهني تغديت.. أهني وين لوجات النضر أرمينا..
أهني
وين سرحت الغنم مديت.. أهني وين بأعلى أصوآتنا غنينا
أهني
وين مدتلي الحنينه خذيت.. حارة التمر وزيت بالسروينا
أهني
وين بدلت الخطا ومشيت.. أهني وين فرشنا الكليم وغفينا
أهني
وين من كثر التعب غفيت..أهني وين كان نارهم ياخينا
قلبي
عصرني بالدموع بكيت.. وحسيت نار النار تسرز فينا
بنوض
بنروح وماقديت.. .. نسمع أفصوت السيح نادا علينا
بلا
وعد ريح ترآبهم ضميت.. حسيت دمعه ونوحته في أيدينا
قالي
أعليوه على الفرآق خذيت.. . لاجيتنا لاالغير طلوا علينا
ولعت
سبسيا وبيه كويت.. .. تطبيع فوق قلوبنا ويدينا
يالله
ياربي الكريم دعيت.. أيام الزها والود ترجع لينا
ولانجع
لامرحول رآحوا أسنينا.. صدفه على أوهام العزآز ألفينا
..
♥ رد
الشاعره علياءالندوي
على الشاعر
علي أبوشنه الندوي ♥
يانجع
بفرسانك، منين كان صيتهم تجاوز ترآب أوطانك
ووصل لفزآن بمرحوله .. واليوم ماليهم أثر
ألفينا،
الفارس
ولد لجوآد كنز المالك.. رآكب أصيل الخيل وليه الصوله
وطريق
الهدآيه دوم ليها سالك.. .. ومحال ماتكونش أفعاله شينا
طبعه
هلالي أيشقها المسالك ..والخوآف والدلال ماهو لينا
شريف
نسب وعزمه شديد، ومايبالك.. إنكانا شبح منك الظلم بعينه
كلامه
بيان وسمح، عز دلالك..ضماد الجروح اللي عليه أعبينا
وزين
الطبايع، ومايرد سؤآلك.. أخلاق وشهامه وكرم بيه أحظينا
ولانجع
لامرحول رآحوا أسنينا.. صدفه على أوهام العزآز ألفينا
..
♥ اضافه
الشاعر علي أبوشنه الندوي♥
صدفه
مرينا على اوهامه..النجع اللى كان امقبل
اذكرنا
الماضى ويامه..امنين كانت ناسه ترحل
تريسه
تحلف خوت توامه..قدعان وتقدع فى البل
فحلها
متحرجم يطامه..فى ابساط الخالى هامل
ارغاويه
كتان اعمامه..من بر الصين امفصل
ازرق
مداكن فى احزامه..ايموج ابراسه كيف الصل
صغير
افعمره رابع عامه..هايج قرب يتمخلل
لافاد
اقياده لاخزامه..لا ولا التالى لاذل
مكوى
فوق الصدغ علامه..فيه مامن قداع احصل
ايخلى
فى الحصواص رمامه..افصدره شايل مكر وغل
انفكوا
اقياده اتقول انعامه..ولا لريل كان جفل
وماملى
نقراش اوشامه..اتقول غزاله وين اطل
اعصابتها
ذراعين وقامه..ضى القمره منه اجمل
تدرج
مشيان حمامه..بنت ابادى وبنت اصل
ماادير
العيب وحشامه..عليها مامسكوش زلل
وبوها
امغرقها بكرامه..لا اتواطى راسه لاتذل
وكانت
للضايف عزامه..كان غريب النزله هل
اليوم
ماقعدن غير اوهامه..تحلف ناضت فيهم مينا
جهلى
مايكساب علامه..لما شور البير امشينا
اللى
كان غديره يطامه..فيه ماحتى بله القينا
خطرها
الماضى وغرامه..ارحل من غادى وطن فينا
ولا
نجع لامرحول راحوا اسنينا ..صدفه على اوهام العزيز الفينا
♥ رد
الشاعره علياءالندوي على الشاعر علي
أبوشنه الندوي ♥
♦لانجع
لامرحول رآحوا أسنينا.. صدفه على أوهام العزآز ألفينا
لانجع
ليهم بان.. أهل الشرف لاجيتهم تطمان
اللي
أصلهم مرجوع للعدنان.. وهانا بعد الغياب تو حنينا
نهار
سيحهم طاحوا عليه أرقاب.. .. وتاريخهم مشهور فخرا لينا
ولايوم
يرضوا بدين ولابخرآب.. وتطمان كان جاورتهم ياخينا
نار
حطبهم بانت وليها سرآب.. تهدي العابر باش يلفا لينا
تخايلتهم
تقول مر سحاب.. حتى إنكانا لزولهم مارينا
تمنيت
يوم نشارك الأحباب.. في عيشة النجع اللي مايوم بيها أحظينا
نسمع
عليها سمع من الشياب.. .. الجده والأم التاريخ سردوا لينا
جدي
محمد شيخ للكتاب.. ياريتني ريته وعشت أسنينا
كريم
وجوآد وماحد فعله عاب.. حنين على أهله وحتى على أمالينا
والمنيه
إن كان حضرت وليها أسباب.. .. .. متمنيه أنحاديه في أرضى الزينا
أهلي
وناسي وجملة الاحباب.. .. اللي حبهم مغروس في أجوآجينا
أليا
قصدتهم تلقوك بالترحاب.. وأليا ظمتهم جاك القضا في حينا
ولاينشروا
بالمال، ولافيهم اللي نصاب.. كنوز الذهب غير صيتهم يكفينا
ولانجع
لامرحول رآحوا أسنينا.. .. صدفه على أوهام العزآز ألفينا
♥ رد
الشاعر علي أبوشنه الندوي على الشاعره علياءالندوي ♥
راحت
ايام العز..ايام القصاع بازين ماهى رز
انصارت
العيطه بلا اشلاكه يفز..على شيخهم فهموا ابغمزة عينا
يطبه
لهيب النار لامايكز..عقل ركبته وزاد سكسكه بيمينا
للى
نوى يقصر الشر ايحز..نادى المهاجى وزغرتو نساوينا
ناض
بينهم يكثح يزن اويز..تحارف اليوم وعثلكو دخاخينا
دون
البعاير لارخى لاهتز..اللى يقربه جاه القضا ياخينا
روح
النجعه بى اكحيله اتخز..واللى نوا بالسو بينا بينا
بنحكيلكم
شن صار بالموجز ..نتى ضعيف والضى مابا ايجينا
ولانجع
لامرحول راحوا اسنينا ..صدفه على اوهام العزيز الفينا
♥ اضافه
الشاعر حسن الطرآبلسي ♥
دموعي
على شان نجع المودة .. جرن ع المخدة تباعد وما لقي حاجة ترده
للقاصر
ذرا كان واليوم عدى .. مكانه تبولا اليوم في المغاغير بين
اعلوه
غاشي
اللي جار عنده مْبدَّى رعى لهوا .. مرفوع
النبا زين من غير دوة
انظاري
على شان نجع الخيار .. دْموعهن كْبار
رْقاق
عزم ذارفات ليل ونهار .. وزدهن عْطابين خلو الديار
اللى
م البعوا .. يْخاف الصبي ان جاه منشين جوا
على
جلتها جيت حايس مدار .. وايام الفتوة عَدّن وجا كبر لنظار توه
دموعي
على شان نجع المودة .. جرن ع المخدة تباعد وما لقي حاجه ترده
..
دموعي على شان نجع المروة شبوبهن تقوَّى .. تْقول هله ما مَوّتوا غير توّا
دموعي
على شان نجع الحبايب .. يقجن سكايب
سماهن
بلا مزن منهال عايب .. وخْطورهم ونا قبل
صبار تايب
هنا
العقل شوَّى .. وطالق بْقى فيه منشاب جوّا زرى بي
ونا
اليوم تميت شايب .. أنوض أنْتلَوَّى .
ولا
نجع لامرحول راحوا اسنينا ..صدفه على اوهام العزيز الفينا
♥ رد
الشاعر علي أبوشنه الندوي على الشاعر حسن الطرآبلسي ♥
راحوا
هلنا..احنى بعدهم على العهد مابدلنا
امرار
الفراق وبعدهم شاغلنا..وين يخطروا ابدمع العيون بكينا
اوين
ماقصدنا اوكارهم ووصلنا..يبان زولهم م البعد رحب بينا
رقن
اغراضى والعيون سبلنا..مشاهيب فى المكنون تشوى فينا
اليوم
غابيه الجره على مناهلنا..وين جيت للماجن سوال ارمينا
قتله
احكيلى وقول لبوشنه..واسرد الماضى بعد هاهو جينا
قالى
اعليوه بعدهم هبلنا..اللى زولهم غيب اسنين مارينا
شبابات
فى مثل الغزله جنا..انى والخزاين ضحكهم ردينا
فى
احبالهم شميت ريحة حنه..ورد الكفا فى اسطولهم عبينا
واليوم
بالسافى العجاج ردمنا..سوال النبى فى حالنا خلينا
من
قبل مصدومين زاد صدمنا .بلا وعد م القهره صفقنا أيدينا
ولا
نجع لامرحول راحوا اسنينا
♥ اضافه
الشاعره علياءالندوي ♥
♦لانجع
لامرحول رآحوا أسنينا.. صدفه على أوهام العزآز ألفينا
العهد
هو مع أهلنا .. اللى حبهم من جوه، وفرآقهم علقم وغصه فينا
سكب
سال دمع العين زآد أتقوه.. وين طيفهم مر في خيال أعلينا
ترآءت
خيالات الأجدآد بدر مضوى.. حتى بعد مرت سنين أعلينا
ومن
كثر ماأشتقنا سمعنا الدوه في الأذن.. نغمة صوتهم حسينا
نسمع
أجديده وهي تنادي توه.. تعالي علاوي لزولكم حنينا
وقابل
الجد شاعل أنويره، أوقوه.. باش يقصده الخاطر وتهنا عينا
أطيافهم
تبري قليب أتشوى.. نار شوقهم سامر وتسرز فينا
ومن
كثر الوحش ماعاد فينا مروه.. قليبي أشتاق لحظنها الحنينه
ويا.
الله حققهالي..الرغبه في لم الشمل، كل آمالي
زولك
أجديده في كنيني أيلالي .. تقول برق يهمت في سحابه مالي
ولانجع
لامرحول رآحوا أسنينا.. صدفه على أوهام العزآز ألفينا
♥رد
الشاعر حسن الطرآبلسي ♥
اليوم
يامنهل بين اقطوع .. خلاك ايروع خلا ماكنك
ريت انجوع
يامنهل
شرقيك الغرد .. وقبليك اقصور الطليان
وغربيك
وبحريك اجبود .. اللي فيهن غيهب غريان
نشت
نبي منك مردود .. احكيلي عن ماضيك زمان
خلا
ماريت ايام اسعود .. ولاكنك شايف زهوان
مع
هلنا قبل والجدود من ايام الحاكم سلطان .
خلا
ماريت انجوع ارجود .. ايحطن فرقان بفرقان
ولااركيب
فوقك محشود .. بهى لين تعبى المعطان
ولافيكش
نايض بارود .. على شان احدود الوطيان
ولاريتش
بارق وارعود .. اضاون واداون في امزان
ودزوله
رواد ايرود .. على الهايج حط الدوزان
لاذ
الوطن اليا الحدود .. لقيه معبى بالغدران
مغطى
بالعشب وبالعود .. مخضب دار الوان الوان
رجع
خبرهم بالموجود .. وبات النجع اكل فرحان
وشال
النجع ودار مدود .. ومدن في اجيوب الرحلان
ولانجع
لامرحول رآحوا اسنينا..صدفه على اوهام العزاز الفينا
♥ رد
الشاعرة علياء الندوي ♥
♦لانجع
لامرحول رآحوا أسنينا .. صدفه على اوهاف
العزآز الفينا
ياريت
كنا فيك مدفونين.. أرض الشرف والطيب والريحان
أيحاموا
الجار ويفزعوا في الحين.. صقور البرآري ويحظروا في الآن
اكبار
الحوآلي أيخلصوا في الدين.. شجعان لاهو زور لابهتان
ونساهم
رباية عز زآد حنين.. ووالله ماتتقدر بأثمان
اللي
مسكها فوآح عطره زين.. ومضحك عليها برق نوره بان
شفر
هذبها سهمه قضاه في الحين.. ونظرة عيون الريم يالخوآن
حزآرها
ناصب عليها كمين.. ريم المهاري دآيرلها شان
خيال
فوق أزرق سوآد. أدكان.. للبيت يرجع أصلنا رجعان
سوق
البلى يشريه بالشريان.. ومحال مايتقدر بميزآن
وأفعالنا
ينشاد بيها زين.. حتى إن كان جارت علينا أزمان
والعين
حق والدليل في القرآن.. خدتنا عجاجه وشرتعت طشان
وماعاد
كيف زمان مجمولين.. فى أرض وحده وموش في لوطان
وقاعد
الحن في نفوسنا وتلين.. بحب وحنان وود للحبان
أحنا
جسد وآحد مانا اللى جسدين.. والألم في الوآحد يعم عمان
ولانجع
لامرحول رآحوا أسنينا.. صدفه على أوهام العزآز ألفينا
♥ رد
الشاعر علي أبوشنه الندوي ♥
♦لا
نجع لامرحول راحوا اسنينا .. صدفه على أوهام العزآز ألفينا
منى
طلب الختم عمى عامر..انى قلتله حاضر ادلل وامر
وكانك
بغيت الحق مانى شاعر..حتى ان كان ابياتنا ساوينا
امغير
اثرهم فى القلب داير سامر..قسما بربى والرسول نبينا
بنخش
الخلا غر ع الهبال امكابر..والشيب غطا روسنا ولحينا
دمع
الميامى على الخدود تقاطر..على ناس فى وسط الحود دفينا
فراسين
كان الوطن بيهم عامر..ايام عزهم مازال عزه لينا
اصحاب
الكرم والجود عز الخاطر..ياريتنا امعاهم قديم غبينا
بنزيد
فى شعرى ومانى قادر..من الغش حتى الشعر غاب علينا
هى
نختموا بالخير عمى عامر..ونرجوا السماح لكان عاد اخطينا
ولا
نجع لامرحول راحوا اسنينا ..صدفه على أوهام العزآز ألفينا
ليست هناك تعليقات:
إرسال تعليق