♦يانا كبرنا وعلي الـمعاش ابقينا.. وبانن افواهق وجدات علينا

علي المعاش ظهرنا.. وبان كبرنا شوهلنا مـنظرنا•

كنا سماح الون في مصغرنا.. سبحان من غير كل حاجه فـينا

وشوين طوارفنا وقل نظرنا.. ما عاد نبقو قبل كي ماضينا

 

 

♦علي المعاش رمونا.. لا فكرو فـيـنا ولا راعونا

حكومة عـدوك راه مي مـضمـونه.. ولا عمرها دامت لولي فينا

قايلينها لنا اللي اسـبقونا.. وعارفين صيور الكلام ايجينا

اصحابـنا اللي لنا الـيوم جفونا.. ما عاد فـيهم زول سال عـلينا

كانو يلفو ويـبرمو ويجونا.. ايامن ونحنا كل شئ في ايدينا

وياما خدمنا ناس ما اخدمونا.. علي ايام خدمتنا اضارو فينا

 

 

♦علي الـمعاش قعدنا ..وبان كبرنا بالحيل قل جهدنا

وعاد الخلايـق يـكرهو مقعدنا ..وحتي العويله هازيين علينا

امعاهم كرامتنا اليوم فقدنا .. وحتي كلاب الـنجع طمعن فينا

 

 

♦ولا عندنا سـببوبه.. ولا صاحب لـنا اثقال اجيـوبا

امفيت ما معاش عطيب دوبا دوبا.. ديما علي راس الهلال ايجينا

والله عويله يلعبو في الروبه يحسابو.. ياللي في الـسوق بين ايـدنا

 

♦ولا عاد لنا حاجه ..ولا مـصلحه لـنا ولا مـحتاجه

زطـلين ما درنا ولا ديـباجه.. ولا مصلحه منها انتاج ايجينا

ياللي كيفنا تما الـيوم خـواجا..واحنا هم يالي كبرنا وما صحينا

 

 

♦ولا لنا هـمـيه ..لا حاجتن لـنا ولا مقضـيه

الا امفيت ياخويا عقاب وليه.. وقـتن ايصيدنها اتحوس علينا

انكان جيتها للبـيت عـطبك جـيه.. تاخد الـيوم وهي اتناجر فينا

 

 

♦ولانا بـتوع اتجاره ..ولانا ارباية فهلوا وشطاره

قيسنا رايحبين في خراره..الا امفيت ما يـستر الله علينا

الله وعلم ما ننفعو الا بنداره ..وشور الموالد نطلقو كرعـينا

يـانا كبرنا وعلي الـمعـاش ابقينا.. وبانن افواهق وجدات علينا