الشاعر صالح مرزوق

بالك عليدك يبرا ..مكسور كسر كداني اواعر جبرا.. اشقا ابخاطري

ايموج بلاهم مكسور.. خاطري خلوه من فرقاهم

طال ياسم قاطع احبال رجاهم ..عليهم صبر واجد ونافذ صبره

اعزاز كل مايشبر ايريد ..يجي دون كفاه عالغوالي شبره

وماعدا يريد ايسير من لاماهم ..نين الجمل يطلع امعا عين ابره

ولا يجمعه ميعاد هو وياهم.. نين كل حد في قبر جا من قبره

 

 

الشاعر عبدالسلام بوجلاوي

عزيز ازاحا تركته .. اقبلت الصبر في مطراحا

هو م البداية تنقصا الصراحة .. والسلك طولته ديمه اتودر لبره

امتبع دباير من عرب زنقاحا .. ماللي ايغص فالزبدة ويزمط لبره

وينما نتش مني اطلقت اصراحا .. ما انشوف فالدنيا امعا عين ابره

ولا شرط ثوب الغير رت اصلاحا  .. وسيبت روحي كيف دورت لبره

ايباري خطاه امداويات اجراحا  .. تسكين كل يوم الداه ناخذ فأبره

عزيز الغلا بجيوش ياس اجتاحا انخيط وهو ينقض اخياطة لبره

اليوم اتوسع بينا المساحا ..  اللي قبل كانت ما اتهلب لبره

سعتا وهو عندا امعاي نصاحا ..  ما كان في ايحمل بزة لبره

ايام وبحرنا هاديات اريحا  .. وراكح وصافي فيه تنظر لبره

والخاطر ابصوبا زايدات افراحا ..  ايقول الحديد ثمين صاحب لبره

سماه كان متجلي ابكل وضاحة  .. علي قمرتا مالرض تلقط لبره

ضدي عطوه ابرا عرب زنقاحا  .. فتانا وهو جسما استوعب لبره

ولاعد امعاه انميعدوا ابركحا  .. نين الجمل يطلع امعا عين ابره