الشاعر مراد
البرعصي
♦
ذنبي شال عيون الدامي .. رق عزامي .. بتجلويل وصرد ميامي
ذنبي شال بشيل السودي .. دين يهودي .. منه رق شفا مريودي
مالياس وقلة ميجودي .. ذعر احلامي .. متكدي في وان منامي
♦
ذنبي شال ونا منهاس .. مع الفلاس .. ومن قل الراحه والياس
الله رايدلي دون
الناس .. انحل صيامي .. عالحنظل من عكس أيامي
♦
ذنبي شال حزام الحرّ .. بمشيه جرّ .. وصرد اميامي فيّ ايضرّ
اللي منسوعه وين
اظفرّ .. يميح ضمامي .. عسكر بدروعه متحامي
♦
ذنبي شال ونا شاهيه .. الحق عليه .. آثمبي بوسالف كاسيه
علي من ياجب كايد فيه .. اردود سلامي .. نرجف مرتكات عظامي
♦ ذنبي شال ارقي ترديع .. أن طار تبيع
.. إن ينزل في لارض تسابيع
عطاني للياسات رضيع .. وهو روامي .. بالياس وع الياس افطامي
♦ ذنبي شال الكاط ثنين .. رزاني وين
.. خطم بالهبهاب اترجوين
توامه لبست بوخطين .. رقط متنامي .. تاو غروب نهاره حامي
♦ ذنبي شال رغيب السود .. عليه اشهود
.. غدرني قبل انقول ودود
أمنّتك ياضاوي الجرعود .. حذيت أثامي ..رخنّت وقلت الشي قسامي
♦ ذنبي شال ونا ولهان .. ايبين كان ..
عشم فالشوق وله برهان
أطلقتي في جوفي نيران .. هفن قدامي .. دخانه لافوق يسامي
♦ ذنبيي شال نظيف عضاه .. إشقيت وراه
.. جفاني ما رديت اكفاه
الكبد انسحنت من يالاه .. إلا نفحامي .. زادت غير ضررها كامي
♦ ذنبي شال ونا هيفوف .. إن جلت انشوف
.. دواي ونا قاسي بالصوف
إطريلي مطرى اللي ملهوف .. هضاك الضامي .. عالمناجه بروحه رامي
♦ ذنبيي شال حزام الديب .. فراقه رق عزام العين
ونا من حالي كي الغريب .. ونومي طاير م التكوين
انكمّل في يومي تحسيب .. انخمم ف العازه والدين
امشاكي لاني لاصاحيب .. لمن نشكي يانا الحزين
علي ميلة وقتي التعيب .. الدمع انهيله غاباوين
فزع ما حاجه ريد يجيب .. مغير علي عقلي تهوين
سبب هولي والشي تسبيب .. غلا لابس عالي التثمين
اللي تما ما فيه نصيب .. وحتى نا عزمي مو زين
ونا لامراض الناس طبيب .. وكايدني دايا المكين
دواء مالك يا خلو الجيب .. اتجيب الغده طيرك شين
افلان ولد وافلان ربيب .. الدنيا تفرق بين أثنين
لواحد بيضه كي الحليب .. وللآخر غام وزرقين
احسب ف آخرها جاي حسيب .. وقبر امظلم وموازين
بثقل الذره شرّ وطيب .. الناس تاخذ وان ملك وين
ولا تبقى ع الناس رقيب ..,,ولا تنقص قاب الولدين
ولا تفتى في علم الغيب .... ولا تجهل ف آمور الدين
الله نطلب والله مُجيب ,,,, ايفرج رب العالمين
ونا في مول الدورخصيب .. يكون ألهامي .. بالصبر ولله حكامي
♦ ذنبي شال عيون الدامي :: رق عزامي
:: بتجلويل وصرد ميامي
ليست هناك تعليقات:
إرسال تعليق