♦وهي جياع ماتصرف الا من ذراها ... وانتم تعصروا في الليم ع الميدومة ♦

♦فرد بن رويله ♦

منين نعصروا في الليم ع اللي طايب ... الوديان جملة مجدبات جدايب

ماحلات جاء منهن الريم جلايب ... من الشر يخنب في حوايز رومه

وانتم من ذراها تشربوا في الرايب ... ليه مامشيتوا كانها مضيومه

♦رد الشاعر ارحومه بن مصطفي♦

كيف نعدوا ... واحنا عندنا رايس عليه نردوا

وكانا بلاكم في الخبر بنبدوا ... صرنا فتحنا للسياق خصومة

مالناش بيش انيروا ونسدوا ... المسدى بلاكم نيرته مصرومة

المسدى بلاكم ماهواته نيره ... ولانا اللي متعلمين بديره

ان جاء راي باهي ماترد نذيره .... تسكت وتقعد داسها مغمومه

وانت جت فيه لوصة دوبها تنكيرة ... للحشر تقعد في العظام هرومة

وبها العرض من يقدر يديربصيره .... يقعد مساخر هدرزة وذمومة

وصابرات يرجن في خبر بديره .... وكل راي راقد في ذراك بنومة