جاب السلام أوجانى .. فرحان قالى قالك
عزيز أنسانى... خراب الغلاء.!
جاب السلام مالساعة.. لموشه طلق مللى
طويل أقناعة
لو كان غير هاودلى يوم وداعة.. وحجه جفاء ما
جابها برانى
أيام قبل ما يصبر ونا نداعة.. مطرودة الغيبة
أنجيت والله جانى
أحبال وقتنا يجرن بعكس أطباعة.. ويذهبن اللى عقله
فطين إيوانى
♦خراب الغلاء♦
جاب أحكايا.. خراب الغلاء فى ميح فى سهرايا
تمويح فى حجايج ضمنات سوايا.. مرسوﻻ
بهاء مللى أحبيب دانى
اللى قبل ميعادى أمعاه أسعايا.. ويفرح
أن جيت أبضحكته لقانى
وأيش غيره مول الغثيث ثنايا.. وغير
أنياء وده بهن فجانى
وعلى باب غافل مربدات نوايا.. منهن
أشاظن ع الوطاء سيسانى
اللى لهن بنيت وكى بلاش أبنايا.. وشمت
اللى مالناس ما يسوانى
وتبع مجالس هل رداء أوشايا.. خرابت
العلل ويقلبوا المعانى
♦خراب الغلاء♦
أوصل مرسوله.. ومنى تبراء وسيته
محموله
بوعين سودة أبراحته ندعوله.. ونحطه
أمعا جملة أهموم أنعانى
خذينا على موجعة اللى نوفوله.. أنشيلها
أمعا عدت أحمول أمقانى
عزيز قبل شورى ميحات أسيوله.. واليوم
جنحن نجفاه وين جفانى
بيضة طريقة سؤ ما أنودوله.. وأن
راجع أحساباته وفئ يلقانى
وأنكان بالندم عاود بعد مفعوله.. الخائن
أنخونه كيف ما خلانى
♦خراب الغلاء♦
جاب السلام سمرها.. ونكد على عينى
زهاه قمرها..
ليلته خذاته خزن ما دبرها.. بكلمة
إبها مر اﻷمرار أسقانى
وهالعين عندك حايسه دردرها.. وهالعين
عندك دمعها كدانى
وهالعين عندك عالسمور جبرها.. وهالعين
عندك ضيمها قالوانى
وهالعين ماص وقته قاطرها.. خلاص
أنعمت وأنا القايد جانى
♦خراب الغلاء♦
جاب السلام أوجانى..فرحان قالى قالك
عزيز أنسانى..بوزاع الغلاء
ليست هناك تعليقات:
إرسال تعليق