جانا وقت خلانا عليه انحنوا :: ونقولوا اخسارة لو اترد ايامه

وجانا وقت تمينا الا نتمنوا :: علي فرح تما عندنا حلامه

وجانا وقت من ضيم الزمان انغنوا :: وانقولوا زهانا لاطات اقسامه

وجانا وقت خلاهم علينا إيمنوا :: اللي دخلونا اليوم في دوامه

وجانا وقت في مصرف انجوا نستنوا :: علي فلوسنا وياما بكينا ياما

وجانا وقت خلانا بعيب انظنوا :: وانحطوا علي اللي طيبين ملامه

وجانا وقت للظالم انجوا وانهنوا :: علي ظلمنا وانصفقوا قدامه

وجانا وقت شور المعصية ندنوا :: وانسينا الشرع ودينا واحكامه

وجانا وقت قاسي في حروب انشنوا :: بفتنة زرعها شيخنا العلامه