لا البرق بات ولا الرايد بات .. لثنين ما باتوش طول الليل
تواكل البرق وذوب المزنات .. ونزل أشبوب ذكر عقبه سيل
والرائد وراه انجوع عطشانات .. عجولي أخفاف أخطاه ماو نطيل
خبير نجم فلكي خابر النجمات .. ثريا وأم أرزم والشهير سهيل
لا مفخرة لاضي لامرايات .. تقول جي بي أس معدلة تعديل
توكل وتم يمد في الخطوات .. نٰاوي العشاء ف مراح عيت الميل
لا هو تريح لاخذا لقمات .. من الفجر للمغرب خذاه ذميل
ناوي اوهام اديار منعوتات .. يبن حد من هلهن وجي الرسيل
أوصلهن لقيهن كيف موصوفات .. يحنن يراجن مارضنش بديل
لقي ف الرتم تهشيم حطابات .. منين في القعور ينتلن تنتيل
جرت مناصب قدر مصهودات .. سخنن وبردن من فراق طويل
وجرت مداحي رال حضانات .. وجرت فراسم لي غزال هميل
ايدرج أخطاه مسروس جديات .. سرح ع الندى قاطف أوراق أكليل
وجرت دراس وزر لاقايات .. أشباع الرغث ويبردن فالحيل
وجرت شكاويهم و مخاضات .. إن كان تفحن جفن بلا موزيل
وجرت بنته موش فرفاشات .. بنات صوب غيتهن دواء العليل
ونسوانهم ما هن نسيوينات .. ماتقول يلدن جايبات عويل
لاهن خفاف ولان شومادات .. ما يعرفنش أقباح لا تنشويل
وجرت جوابد فيه رغاطات .. طين وأرض حره أميله تمييل
وجرت سبيب وخيل متقارنات .. يهاجولهن يا خيل جنكن خيل
وجرت مداعك صف وقرانات .. مقابر معابي قاعدات دليل
وجرت غنام لضميهن واردات .. هشن وصدرن ضللن تضليل
وجرت عقاب بلغ نقشة غات .. الحرة الخضراء الرافضة العميل
وجرت مداس صيد مفترسات .. ونسناس عادي خارته الثقيل
وجرت حقافي سيل ورباطات .. لولا العذف والسدر تحلف نيل
وجرت حطيز أجمال ومراحات .. لأم الشعف فيها الكلام يخيل
وجرت كحيله فاكه أعقالات .. فوق السناح الفاس والزنبيل
وجرت أعظام الحشو منحورات .. عرب صايبه هلها وكرم أصيل
وجرت مزاز الضان وكعالات .. وعروة جلمهم و الكعال حويل
وجرت السيزه كلاب ميكولات .. والعوره أفراد منزله تنزيل
وتاقزه رموها جايبة إشارات .. وخبر مساولها بلا تعطيل
تنانير بالنيران محميات .. كبابيسهن متكيٰلات مكييل
وجرت حفر للدر روابات .. للشكو لمدثر وقدر ثقيل
وجرت أرحيهن كيف مقلوعات .. عقاب الرحي وسطول و غرابيل
وجرت مسده وغزل سدايات .. ومنير الرمل مغيله تغييل
وجرت كرمد يزحفن راكبات .. عليهن بنته تقيم صوب خليل
مكان صابيه تلعب وحجالات .. وسامر وصفاقه على التحجيل
وغناي بيقذر وشتاوات .. وشعار ع اللي ما ركعش تهيل
وجرت الطار وشوط ندابات .. على صقرهن ما من دموع تسيل
ان جت سيرته مايبوش قولة مات .. علي ما الصدور معبيات غليل
فيهن قلوب تقول منحورات ..
نحرهن فراق الصقر بو كمبيل
ومنصور ضو وتوكت أعويدات .. وخوي الوليدي وبن رحيل أجبيل
أقلام ورفاقة خوت و حراسات .. نهار يفتحوا فالنهر سلسبيل
ورنة حمد رمضان وزغرات .. لأصابعه الأصول والتاصيل
لا عاد بتجينا التعليمات .. ولا هيبته لا عمق في تحليل
الدايم الله ياديار مهمولات .. ما تيأسن مافيش مستحيل
ليام حق عشار ولادات .. ويلدن وغير ماهيش لتأويل
ادقيني ع الكرمود حطز .. نقلها وفز غزالة بنت أرباية عز
دقيني مهمل ما يعلف .. ولد خواره وبوه ثني
جمل مالي ماو رهيف .. ف أبله مربا ماو مشري
جبل وافر ماهو اللطيف .. وطيب خيم وماو مؤذي
بين عرنينه وبين الخف .. ثلاث أمتار إن كانه شوي
على حسابه وين يصيف .. يميتخ بين أتلال أو بي
بسيمه تضبح نار الصف .. عليه وفي نجعه تقدي
يعرض عن ذوده يرجف .. جمل لكن فعله جني
مكورها يعرق ويجف .. عليها داشع موش هني
يجيب وينقل ويخوف .. بعزمه الجوبه يطوي طي
مدلل عايش يسكرف .. مع خلفاته كيف يبي
أن هدر خبطها والتف .. تقول قربة زكار غبي
وإن صلول ورورته وعزف .. يوصلها بياتي مي
ولا أطول لاعلفه سف .. مربع قافل ناقل ني
إمفيت إن كانا هاج نحف .. مع هياجه يطبخ يقطي
وتضمر بطنه ويجوف .. إيدير رجيم تقول صبي
وخفه تقول إشارة قف .. غريب اليبله ما يمشي
خطاويه تقول يحذف .. مع الجرة الحصواص أرقي
إن لاقاك وتم يزوف .. أتقول ملاقي بات عدي
عاقد صايل ويغيزف .. إليا هاج أطرش وعمي
ومع هذا دمعه يذرف ..
حنون وقاسي ومستدعي
بلا مراره وموش عارف .. إليا ضاق الدم يخبي
يحس ويهوا وعينه ترف .. على غيابه كيف
علي
يسوف خشمه تقول ينف .. أستكرف منها جوا احلي
يشم عبسها يتعرف .. عليها تجعر وتهاوي
أتهيم معاه وتتصرف .. تعابير الهاوي ليا هوي
كما المنشوف وزاد أنشف .. اللي يقرب شوره ما يجي
إن كانش غير تغفه غف .. وخاطيها خلك م الدي
تحاوك كيف أتحفه حف .. على شان يبات مثني
تباوي لونه ثلب أجحف .. أنحطوا فوقه جحفه أهدي
فحلها وراعي لأم شعف.. يحوشها أطيع و تنوي
لسيل يكرر فيه العذف .. سحابه يرحل متوطي
سقم من البف وم البردف .. الراعي وسيده وهوه وهي
وتبدا رياض و تشرف .. خريف بدري تلقط في الحي
اللي يجيها ليه تعطف .. كيف لقيح وكيف شوي
يروح بقداحه تذرف .. وديده وداده وتعطي
عوينه ع الزومال ردف .. بصيده ما يأكل مقلي
عليها طول الوقت يطف .. كان أقربته مستدعي
لها يرحل وين تخرف .. البيت على زوره مطوي
الطايح سعده بيه وقف ..
اللي توه مبني ع الخي
يصدر في نجع محرجف .. تقادع داجوجه وأروي
مجنس ناسه ناس أشرف .. على زين الخلق أتصلي
عرب يعطوا في العادي كف .. الطلياني •• والعثماني
جثثهم في الوديان أجيف .. غلب من عد ومن يحصي
نجوع هلها تهندب تهتف .. الحس أرقي عندك يمي
وعليها نشعر و نخرف .. حزين نعبر عن ما في
وترا قولوا في من نوصف .. اللي فاهمني يرد علي
الله دايم ربي يخلف .. تقنطر •• طاح
أدقيني محرب ع لمراح .. اخسار يم أعيون أسماح .. فحلهٰا راح
خذتهن عشر أسنين أنواح
أسهام أرماح .. رمنا ياجوف الرداح
أسنين أكلاح .. بعد غيب برمت لرياح
ليست هناك تعليقات:
إرسال تعليق