الشاعر محمود اجفيلة العبار

 

فوق الكتوف اعراهن

مامن سوايا خاطري واراهن

ثقيل حملهن فوق الكتوف اعراهن .

.

مامن سوايا مرا .ثقيل حملهن فوق الكتوف معرا .

ولكن كماهن خاطري في سرا .ابهن ماشكا للغير لاوراهن .

لنظار وين ماغفن عليك مضرا .خيالهن يجي قدامهن اووراهن .

الحاصل جفاهن نومهن بالمرا .وهن زاد منا عالنات براهن .

.

حمول ثقيله .ونزاد حملهن فوق الحمول عديله .

كيد الزمان وقل من تشكيله .وطولت غياب اللي عليه نراهن .

هم المرض وسمورنا بالليله .مرض قلبهن شور الطبيب دراهن .

فيد الكريم العمر ومواجيله .وحطت دعايم سرحن مجراهن .

الا من جناب الفانيا بالليلا .مالصيفا عمرا نهار غراهن .

ولاهم منصب فالحياه الزطيله .ولارزق دنيا باعهن وشراهن .

.

فوق الكتوف اعراهن

مامن سوايا خاطري واراهن

ثقيل حملهن فوق الكتوف اعراهن .

 

 

 

ردبوجلاوي

سوايا عدة .. واعداد عالقرايب ما نريد انعده

ورياف ع العزاز اسود انظاري كدا .. من قبل الجهيم لدارهم سراهن

صحيح حملهن صاعب الحيل يهده .. بعراه عالدبر مشضوض فوق اذراهن

اذرفن نين جابني المجدي بده .. يعالج الى هالوقت ما براهن

عاين نصيب وقالي من مده .. ساير تئاكل في عصبهن راهن

صابهن جفاف الدمع حودد حده .. امضيليم ما يدري علي مطراهن

عقلي عليهن حايز .. سيات في كنينا ماليات مغايز

من ناس له اصحاب وهو لهم مو عايز .. لكن انياهم فعلهم عراهن

اللي قبل حاسبهن ذرا ونفايز .. اخصوصاً وهو من قبل كان ذراهن

هرير مو علي بابا وماما جايز .. اسباع الخلا قايلتا لجراهن