كنتي الا مسميه .. باللي عمرهم مايسيبوا الرميه
احماة النزيل اللي فقد غاشيه .. وابلي مالزمان بشي مو داريبه
ايعيش بينهم لا اتديربه اوحديه .. ولاعد سفيه ايطول فيه بعيبه
وايشاوروه كان رادوا الدار عفيه .. ايشيلوا او ورايا شيخهم يمشيبه
هضول هلك ركابة غزير نصيه .. اصحاب مجد نطرب وين ما نحكيبه
واليوم باقيه تمت خلا قطعيه ,, ان
جاك الغراب ايرد يلصف شيبه
كنتي الا بنزالي .. دار عز مالفج البعيد ايوالي
ولا جرني راوي عليك حكالي .. ولا نجهله مدعاك كي نحكيبه
ريتن وكاينهن اليوم اقبالي .. فيك الفريق وفيك ريت سبيبه
وفيك ريت هيالي اشوي وآبالي .. انضورهن ايجلي عالقلوب غبيبه
وحصاد قال يا خرجه احذاي اتعالي .. ولخري اتراجي في هذيك الصيبه
ودراس قال يا عوده ادراس قبالي .. ازرابك ونا منجر عين رغيبه
واللي عالرحا هاجت بياس غوالي .. نين دمعها طرف الطحين ارويبه
وجلام جاب فضاهن قلوب اممالي .. عالغره قذير وغيرها مكنيبه
وسقاي قال تروي لو خلا فالخالي .. تما امحروس دم يم جنيبه
ماضي فنا تما امغير تسالي .. قليل من ايطرب كي انجيب سريبه
اليوم عايفك حتي صغير اعيالي .. انجيبله نباك ايقول شينك صيبه
كنتي الا للضامي .. دار
عز فاني كينه قدامي
اياما وهو نزلك تريس مسامي .. ماللي عندهم جيب الفخر في جيبه
انجوعهم ايدانن في نجوع عمامي .. اجواد من ضنا جبريل في تنسيبه
اولاد شيخ فكاكة اللي جا رامي .. عليهم وشايل حمل وايجازيبه
من يوما مشو منك قفلت اخمامي .. العيشه
بعدهم في جباك تعيبه
وياريتي منهم امواجع كامي .. ولا عمرهم داروا معاي عطيبه
ولا جردت فزعتم لسل ارمامي ..ولا اهدموا في غوط البياح زريبه
ولا امنعوا عالوارد شراب الطامي .. ولا احجروا عالماشي طريق اتجيبه
كلامي سوا ولا بغير كلامي .. هضول عالنقابه دافعين ضريبه
وما اهناك ما ايهون سطير الآمي امفيت دمع في فاو الخلا نبكيبه
كانت الا لك هيبه .. خلاك الزمان امسوتهه وامريبه
يا دارهم .. كانت الا لك هيبه
ليست هناك تعليقات:
إرسال تعليق