يا امحصله في ملهاد .. ياواخذه قول قايل
يحاكيا الكل نقاد .. ردي
منسبه والخصايل
ياراسمه كم ميعاد .. انتي
فاضيه اوهم ولايل
اللي عيبهم عيب بداد .. عيت
الهبد والنقايل
لاعندهم فكر وبعاد .. نكارت
افضال اوجمايل
اولايختشو روس لعناد ..
اولاريت فيهم فضايل
وحنا كسرنا كسر قناد ..
اوباينات فينا علايل
وحنا جرحنا طال لفواد ..
كبير جرحنا جرح طايل
وحنا بين قبضات لاوغاد ..
نظرنا انجوم القوايل
لوكان فاقده عز لاولاد ..
اوحستي اوظرفك اذايل
لوكان غير جلنك ابراد ..
،ونتي نازحه في وحايل
لوكان قرقضك ناب مرماد ..
عليه الخزا والنعايل
لوكان عايشه سحن لاكباد ..
راك تفهني في المسايل
اوراك حاسبه لغم لافراد ..
ماتعايري ف الاصايل
احنا وطنا وطن جهاد ..
اوهلنا اسماح القبايل ..
اوتاريخنا فيه لامجاد ..
مانا ارباوت وذايل ..
احنا وطنا هك معتاد .. خذا
عالكدر والعكايل
اوجايبينا ابدم وزناد ..
ركابت اسماح السلايل
مغير انشدي ليش لاحقاد ..
علينا الصادق الجايل
اوجوه خير وحماه وجواد ..
اسنين البلاا والكلايل
بلا من طعامت الزاد ..
فتاحت اكبار الوكايل
اشداد عزم وعداد وعتاد ..
مانا اوجوه الهزايل
علي دمع مكحول لاهماد ..
ايبات دمنا دم سايل
ونجو الوقتنا كيف ماراد ..
واليوم حملنا حمل مايل
ليام تو قاسيات وشداد ..
اولكن ان شاءالله قلايل
قريب وطنا تو ينعاد .. تلتم
فيه الشمايل
ويجي النوم ينطاق لوساد ..
ترتاح روسنا ماالشغايل
بعد ضيق ترتاح لبلاد .. علي
الله دوم التكايل
كريم جاه رزاق لعباد ..
فيده جميع الوسايل
اوكيف قبل نبقو اسياد ..
اونا انجيك لاباس الخايل
ليست هناك تعليقات:
إرسال تعليق