للشاعر حكيم الجراري
يالعين صبوره ... كل حي عايش للفناء صيوره
نبيك ديمه ... خليك ديمه
واجد سدك ... راه الدمع ما ينفع أمغير أيهدك
لا هو أللي علي دار الحبايب ردك ... ولاهو أللي فزاع وقت الفوره
أمغير ذيبلك منه أوصلتي حدك ... وأنتي سعيده حالتك ميسوره
أو كنتي الدمعه ما تلامس خدك ... واليوم يانك فالبكاء دكتوره
أنريدك ديمه أديري ... أمعا فرقه أعزاز عزيمه
ولله تلتجي وقتن أتجيك ظليمه ... هو أللي زوال الهم في مقدوره
راه الكرب كي ليله بعد تظليمه ... أيبان فجرها عالكون ساطع نوره
أساء أيريح ما تكوني عليه غشيمه ... مانك علي مر البكاء مجبوره
ليش أحزانك أتقول يا الهبله دايره
بالعانك
نين عالبكاء تما قريب أدمانك ... علي كل حاجه دمعتك مجروره
خليك يا عيني جبل كي شانك ... صعيب أرقوانه موش كيف أحدوره
ومالناس هوني من جفاك أو هانك ... وأللي وفي خلك أمعاه شكوره
وكان الزمان حازك علي حبانك ... وأن كان ريتي من جفاه وجوره
لا تحزني وقتن أيميل زمانك ... حتى عالعدم تجبر أللي مكسوره
يا العين صبوره ... كل حي عايش للفناء صيوره
نبيك ديمه ... خليك ديمه
ليست هناك تعليقات:
إرسال تعليق