زعلان منى
♦زعلان منى ...نحسابك الا سامحت ..خيبت
ظنى ...قلبك على مليان
♦زعلان منى واضح انك زعلان ..واتريد عذر
إيسهل النسيان .. طريق الجفا ساهل على اللى هان .. وسهلت عليك اتهون واتهونى .. نحسابك الا سامحت فى اللى كان
..سبحان كيف اقدرت ع التجنى ...وقدرت تنسى فى زمان زمان .. وقدرت تبقى بالجفا
متهنى .. وقدرت تلقا صبر ع الهجران ...لاعاد تنشد لا يهمك كنى
♦ زعلان منى .. نحسابك الا سامحت ...نحسابك الا حسيت انى جرحت .. غلبنى ابكاى وبالدموع
شرحت ...وبكيت بين ايديك غصبا عنى ..اخسرنى زمانك والعذاب اربحت .. وزولك انى
ننساك ما مكنى ...من حسبة ايام العمر ليش طرحت .. الذكرى الدمعة الحلم والتمنى
..واقدرت تقسا اقسيت ما سامحت ...احضانك ملاهن صبر ما احضننى
♦ زعلان منى .. نحسابك علي صبرت ..اقبلت اعتذارى وين ما اعتذرت ..
بالمغفرة ذنبى شملت غفرت ..بعفوك مسحت ادموع ما خلنى نصبر بلاك وجيتك وخرت ..طال انتضارى انسيتنى نسيني .. زولك وذكريات ما
اصورت ..ضباب نسيانك حجبهن عنى .. حسيت انى ما عليك خطرت .. متعمد انك تاخذ زمانك
منى
♦ زعلان منى ...مايهم لو ما ارضيت .. مايهم لو لا
لمت لا عديت ..انحاول انى ننساك كى ما انسيت ...وننسى محاسن فيك عمر خذنى ..وننسى
انك بالعيب فى بديت ..ونسامحك ما انرد فيك انعنى ...وانعد انى ما مشيت او جيت
..وياما ذرفت ادموع نين عمنى ..ليالى غيابك طولن وبطيت ...وجيتك ونا مشتاق لك
متمنى.. رديت منك دمعتى كفيت .. عنك بعد كفيت روحك عنى
♦زعلان منى ...نحسابك الا سامحت ..خيبت ظنى ...قلبك
على مليان .. زعلان منى
ليست هناك تعليقات:
إرسال تعليق