الشاعر الشعبي عبدالرحمن عابد / مدينة اجدابيا ..

.

الواقع الحالي،،،،

غريب في ابلادي والبلاد غريبه... وصمتي وصمت السامعين امصيبه

غريب في ابلادي والبلاد جريحه... نين من اجراره عالفراش طريحه

انكانك اتريد الواكدة الصحيحة. راحت الدولة والشرف والهيبه

والشعب يهتف من رقادةْ ريحه...ماي خاطرة يهتف علي توكيبه

لاينتصح لاتجيب فيه نصيحه ...عطيب راي دار اعداه هم صاحيبه

غريب في ابلادي والبلاد أنباعت... وضعنا وروح الوطن فيناضاعت

لنذال شبعت والعصارة جاعت...في وطن يلسع فالنهار دبيبه

امداعاه عالقصعه عليه ادَّاعت ...بشر في هياكل من بعيد امريبه

لا خير دارت لا الحرمه راعت...اللي هظا جاي يريد يملا جيبه

احوال وطنَّا جمله اليوم تراعت... الناس ياعو اقل شاعرة بالخيبه

اطَّاول مرضنا والعقول التاعت... مرض اعقول من يقدرعلي تطبيبه

مرض جواني ... مرض خطيرحيل الشعب فيه ايعاني

احمول فوق من حمله اثقال امقاني... ابقي اليوم يدفع في ضريبةْ طيبه

اليوم في ابلاده هوْ اللي برَّاني...كلمه اتشيل وكلمتين اتجيبه

لكن علي ربَّه آماله باني...أبواب الفرج عند الكريم قريبه