مجروده للشاعر الكبير المرحوم -- جلغاف بوشعرايه الفاخرى --
♦مرحب يام اعقود ايولن .. كفوات ابوابير انحلن .. ياشوف اللى جن يانجلن .. هى فاجت والباقى كلن .. ماطالنها فى المندار
♦ماطالنها وين المسه .. طارن مل الليدين امدسه .. مكرومه من قوهوسه .. تسهل فى غيض المشوار .. تسهل وين الصادى عوه .. كيف تفز تثور بقوه

♦فارسه متجلى جوه .. لايسلف لايمتار .. لايسلف لايدين .. واعرماينطاق وهين .. فجوه عالجارات ايبين .. لاغاب ايباتن سمار

♦لاغاب ايباتو حبانه .. فى ظلمه كيف الجبانه .. فوق اللى شابك نيبانه .. يوم الشيل ايشيل الجار .. يوم الشيل ايشيل نزيله .. والمظلوم ايجى يشكيله .. متجنس مفهوم اصيله .. بيته ملفا للخطار

♦ بيته ملفه للى جالى .. سيد اللى مقدمها عالى .. ماينطاق بلا يابالى .. لاجاء عياط ام غرار
♦ لاجاء عياط ام جنايب .. شدوا هلهاء فوق نحايب .. ايجنهن و الريغان الثايب .. تحت الشمس تقول سحايب ..ناضن يزاقن غيار
♦ ناضن يزاقن ليلته .. منسكلات معا جرته .. والبندق مليان اموته .. دون الخواره يومته .. تمن مدعكات سعته .. هذين وهاذين صدار

 ♦ هاذين وهاذين ايكبن .. من هك ومن هك ايطبن .. ودموم الفرسان ايصبن .. خلاهن تكميد احقار ..

♦ خلاهن تكميد الحامى .. واسياد ام ابهال مسمامى .. ردوه اللى جاء متعامى .. شاطت فاليميخوذ النار .. ♦ شاطن فاليمخوذ هفنه .. كبوات النيران خذنه .. سيد الناب بحربى رنه .. والابل رد عالموكار

♦ رد الابل والقوم هباهم .. خاطم طرقى جاب نباهم .. تمن منكوبات انساهم .. عامين اينقن عالطار .. عامين اينقن مالهانه .. خلنهن لايام حزانه .. لامشطن سالف بدهانه .. لالبسن فى ليد اسوار

♦ لاالبسن فى ليد حديد .. خلاهن ملفات نكايد .. فارس كيد الكل مكايد .. لاثار الصادى جبار