رجب أحمد بوحويش (1876-1950)
شاعر ليبي اسمه رجب أحمد بوحويش من قبيلة المنفة الليبية وهي القبيلة التي ينتمي
لها عمر المختار.
ولد في أرياف طبرق، وحفظ القرآن
الكريم وكان يجيد القراءة والكتابة ونظم الشعر، ساهم من خلال شعره في تصوير كفاح
الشعب وجهاده ضد الغزو الأيطالي، ومن أشهر أشعاره "مابي مرض غير دار
العقيلة" والتي تعتبر ملحمة نضالية ووثيقة تاريخية هامة ، تقول أبياتها :
مابي مرض غير دار العقيله ..
وحبس القبيله .. وبعد الجبا من بلاد الوصيله
مابي مرض غير حد النكاد .. وشوية
الزاد .. وريحة اللي مجبرة بالسوادالحمرة اللي وين صار العناد .. عناتها طويله ..
لها وصف ما عاد تاجد مثيله
مابي مرض غير واجد مرايف ..
والحال صايف .. على عكرمة والعدم والسقايفوحومة لفاوات عز العطايف .. حتى وهي
محيله .. تربي المهازيل جلة خويله
مرايف علي عكرمة والسراتي . .
اللي هن مناتي .. انشكرن ان طلتهن في حياتيعلي وين يخطرن ننسى اوقاتي .. دمعي
نهيله .. زواعب علي لحيتى سال سيله
مابي مرض غير مطرى الحرابي ..
خيرة أصحابي .. الضرابين والمكوعظ ينابيركابين كل حمرة دعابي .. الطايح تشيله ..
نضيده رفاقاه قبلوا جميله
مابي مرض غير فقد الرجال ..
وفنية المال .. وحبسة نساوينا والعيالوالفارس اللي يقدع المال .. نهاره جفيله ..
طايع لهم كيف طوع الحليله
طايع لهم كيف طوع الوليه .. إن
كانت خطيه .. نرمي الطاعة صباح وعشيهنشيل في الوسخ والمويه .. معيشة ذليله .. مفيت
ربنا يفزع يفك الوحيله
طايع لهم كيف طوع الوصيف .. نسيت
الوظيف .. بعد بقيتي كنت ظاري عفيفنصبي بلا حيل عندي خفيف .. نشيل الثقيله ..
نزازي مزازاة من زين حيله
مابي مرض غير فقد الغوالي ..
أسياد المتالي .. سماح العضادات فوق العواليراحوا حساب شي تافه قبالي .. ولا لقيت
حيله .. نشالش بها نين راحوا دقيله
مابي مرض غير طولة لجالي ..
وضيعة دلالي .. وفقدة أجاويد هم روس مالييونس اللي كيف صيت الهلالي .. كرسي
القبيله .. امحمد وعبد الكريم العزيلهوبو حسين سمح الوجاب الموالي .. والعود
ومثيله .. راحوا بلا يوم ذايب ثقيله
مابي مرض غير فقد الصغار ..
أسياد العشار .. اللي لقطوا كيف تمر النهارالضرابين للعايب صدار .. نواوير عيله ..
ما ينطروا بقول ناسا ذليله
مابي مرض غير شغل الطريق ..
وحالي رقيق .. ونروح وما طاق البيت ريقوسواطنا قبال النسا في الفريق .. وقبينا
زطيله .. ما طاقنا عود يشعل فتيله
مابي مرض غير ضرب الصبايا ..
وجلودهن عرايا .. ولا يقعدن يوم ساعة هناياولا يختشوا من بنات السمايا .. بقول
يارزيله .. وعيب قبح ما يرتضي للعويله
مابي مرض غير غيبة أفكاري ..
وبينة غراري .. وفقدة ضنا السيد خيوة مطاريموسى وجبريل سمح السهاري .. أسياد
الخويله .. ماينطروا بقول داروا عويله
مابي مرض غير طولة ريافي ..
ووثقة كتافي .. وصبري بلا كسب ميل الشعافيوتريسي اللي ع السوايا يكافي .. خيار
القبيله .. عشا للجوارين يحموا كحيله
مابي مرض غير بعد العمالة ..
وحبس الرزالة .. وقلة اللي م الخطا ينشكى لهوغيبة اللي يحكموا بالعداله .. النصفة
قليله .. والباطل على الحق واخذ الميله
مابي مرض خدمة بناتي .. وقلة
هناتي .. وفقدة اللي من تريسي مواتيووخذة غزير النصي بوعتاتي .. العايز مثيله ..
يهون علي القلب ساعة جفيله
مابي مرض غير فقدة نواجع .. ونا
مانراجع .. اللي لفهن لاجفا لامواجعولا ينظروا غير حكم الفواجع .. وريقة طويله ..
ولسان مر شر منضرب الثقيله
مابي مرض غير قل المحامي ..
ولينة كلامي .. وهينة أجاويد روس ومساميوريحة اللي خايلة باللجامي .. غريمة
الهميله.. منقودة التناسيب نقدة الريله
مابي مرض غير سمع السوايا ..
ومنع الغوايا .. وفقدة اللي قبل كانوا سماياوربط النساوين طرحى عرايا .. بسبله
قليله .. يديروا لهن جرم مافيه قيله
مابي مرض غير قول اضربوهم .. ولا
تصنعوهم .. وبالسيف في كل شي خدموهمومقعد مع ناس مانعرفوهم .. حياة عليله .. إلا
مغير ماعاد باليد حيله
مابي مرض غير زمط العلايل ..
وديما نخايل .. علي خيلنا والغلم والشوايلوخدمة بلا قوت والسوط عايل .. معيشة رزيله
..علي أثر الدباويش جوّا للعويله
مابي مرض غير فقد الملاح ..
ودولة القباح .. اللي وجوهم نكب وأخرى صحاحوكم طفل عصران م السوط ذاح .. حاير
دليله .. يا نويرتي صاف من دون جيله
مابي مرض غير كسر الخواطر ..
ودموعي قواطر .. ووشنات مادونهن من يساطرالراعي معقل جمال القناطر .. فحولة كحيله
.. وطالق قعادين فوق الخويله
مابي مرض غير حبس المسامي ..
وميحة أيامي .. وكابو علي ضرب لجواد دامييصبي يناديك بلسان حامي .. ولغوة هزيله ..
تخاف يعدمك قبل لا تشتكيلهوشوخة ردي لصل شوت منامي .. حتى وهو عزيله .. يبيعك علي
شان حاجة قليله
مابي مرض غير فوت الحدود ..
ووقاف سود .. وشبردق ملوي على رأس عودلا حيل لا قادرة لاجهود .. لشيل الثقيله ..
زاهدين في العمر لوجا وكيله
مابي مرض غير برمة أفلاكي ..
وهلبة أملاكي .. وضيق دار واشون قاعد متاكيالفارس اللي كان يوم الدعاكي .. ذرا
للعويله .. يساسي ورا قرد مقطوع ذيلهوكل يوم الظلم نا نوض شاكي .. ونفسي ذليله ..
وكيف المرا مانفك العقيله
مابي مرض غير ميلة زماني ..
وقصرة لساني .. وما نحمل العيب والعيب جانيوتريسي اللي قبل بيهم نقاني .. جمال
العديله .. ثقال روزهم يوم ذايب ثقيلهعلى أثر ياسهم روجتي من مكاني .. ليلة طويله
.. ظلامها غطا ضي قاز الفتيله
مابي مرض غير فقدة بلادي .. وشي
من اريادي .. نواجع غرب في خيوط السعاديطالب الكريم اللي عليه اعتمادي .. يعجل
بشيله .. قبل لايفوتن ثلاثين ليله
الدايم الله راعى المجمم .. طغى
ضي ظلم .. العاصي علي طول ما يوم سلملولا الخطر فيه بيش نتكلم .. ونعرف نشيله ..
ونعرف نبين ثناه وجميلة
ليست هناك تعليقات:
إرسال تعليق