الشاعرعلي شحات
ريم اوعار للقانص طريده .. ننظر فيه رايض ف
الوهام
مانس غير ما نيتي نصيده .. كان حلال كي صيده حرام
ويش نريد في لوعة جديده .. يكفي جرح نازف ع
الدوام
طرف انظري شوره طاش بيده .. نظر جهّام غاشيه
الظلام
وعاد العطر يغشاني رويده .. رويده لي سارقته
انسام
خلاّ العين نظرتا قصيده .. فيه تقول ترمي في
سْهام
توقت شمس تشكع في جليده .. وجهه تاق كاسيه ابتسام
شال اميام نظرتن شريده .. نا من قبل نعرف هالميام
جيت تقول حادرتبي هويده .. ووين اقربت خانني
القدام
ابقيت تقول حارنتبي قعيده .. ساعة عرض وحشود
وزحام
وهو بخطاه كي يدنا يزيده .. نبض القلب من رق
العزام
يرجف تم من خضة وريده .. يقحش قحش ما عانه لجام
قطعت شك هذا اللي نريده .. حنّ الله جابنه اقسام
هذا داي ولجرحي ضميده .. جا من غير موعد لا علام
جا ملهوف شوقه هو قليده .. كي ما بي طير الشوق
حام
يا مبهاك من لحظه سعيده .. طيبك يوم خير من ألف
عام
أضحك وأضحكت مي ساعة نقيده .. يوم الفرح تنكب يا
حشام
همس لي همس بنغمته الفريده .. قال سلام رديت السلام
إيدي بشوق كي مدِّيت ليده .. طار النوم ثاريته
منام
ليست هناك تعليقات:
إرسال تعليق