ياصاحبي
مني اتريد قصيد ... لاوصاف الرفاقة غايتك تحديد
يابورفيق
انواع ... فيهم اللي يندوا اسماح اطباع
وينما
اتضيق منهم ايجن لفزاع ... ايحيدن دراه الكبد والتنكيد
وكونك
اتريد القول عالصياع ... اللي عالرفق ديما الهم تهديد
خوانة
العشرة واللمد الاتباع ... على اتفه اسباب ايكيد كل الكيد
انوجه
الصاري ويرتخى لشراع ... ونعمد مراسي في اوطان بعيد
من
غير شي ويلزمو زعزاع ... يابل اللي لايم علي مجيد
هضوم
وصفهم لا شرا لاباع ... اقلال المروة للفلوس عبيد
الواحد
ايبجح للذمم بياع ... لايوم يسند لا ايكون عضيد
علي
شانها ام العيون اوساع ... تنباع هك بيعة صغا ومرميد
يا
مجيد احكايا ... طويلة وراهي مالهاش نهايا
عاللي
ايديروا فالرفق لاهايا ... مصالح ابهن يقضوا بلا تعديد
لا
اتشطهم ان كان فيك ادمايا ... ولا ان قضوه امعاك عمر مديد
وان
قصرت يوم اتكون هي السهرايا ... وان قدرتهم ما تاخذ التمجيد
يامجيد
اسمعني ... مو كل صاحب فيه هكي نعني
وواجب
العشرة والرفق يمنعني ... نجمع الصادق عالعطيب انزيد
فيهم
اللي صابر وهو شجعني ... نصبر امعاه انهونو الشدييد
راضع
العصر وهو اللي يقدعني ... ان شور الزلل مدت اكراع وليد
واللي
فاجعك يامجيد فجعني ... امغير نا تبعت راي سديد
ونا
زاد فيها ننصحك تتبعني ... ما فالرفق ديما اتكون زهيد
صالح بوعجيلة
ليست هناك تعليقات:
إرسال تعليق