الشاعر ﺻﺎﻟﺢ ﺍﺑﻮﺷﺒﺸﻮﺑﻪ
.
.
ﻧﺸﺪﺕ ﺍﻟﺒﺤﻴﺮﻩ ﻭﻟﻨﻘﺎﺭ ..ﻭﺍﻟﺒﺎﺭﺩﻩ ﻭﺍﻟﺘﻮﺍﻣﻪ
ﻭﺑﺤﺮﺕ ﻟﺒﺮﻕ ﺍﻟﻐﺎﺭ ..ﺍﻟﻤﺸﻬﺪ ﻳﻘﺎﺑﻞ ﻋﻼﻣﻪ
ﻭﺷﺮﻗﺖ ﺷﻮﺭ ﺍﻟﻘﺮﺍﺭ ..ﺩﻏﻤﺎﻥ ﻧﻠﻘﯽ ﻏﻼﻣﻪ
ﻓﻲ ﻭﻳﻦ ﺑﻮﺻﺎﻉ ﻳﺸﻬﺎﺭ ..ﻭﺍﻟﺸﺒﺮ ﻳﻘﻄﻊ ﻓﻘﺎﻣﻪ
ﺟﺪﻱ ﺍﻟﺘﻮﺍﺗﻲ ﻣﺰﺍﺭ ..ﺗﺴﺘﻮﺭ ﻋﺎﻟﻲ ﻣﻘﺎﻣﻪ
ﻭﺍﻟﺠﻮﺵ ﺑﺎﻧﺖ ﺑﻠﻨﻈﺎﺭ ..ﺗﻤﺎﻳﻞ ﻧﺨﻠﻬﺎ ﺗﻮﺍﻣﻪ
ﻧﻨﺸﺪ ﻋﻠﯽ ﺻﻘﺮ ﻣﺎﺻﺎﺭ ..ﺷﻴﻨﺎﺕ ﺗﻮﺣﺶ ﺍﻭﻫﺎﻣﻪ
ﻓﻜﻞ ﻭﺍﺩ ﻋﻨﺪﻩ ﺍﺛﺎﺭ ..ﻓﻜﻞ ﻋﻠﻮ ﻋﻨﺪﻩ ﻋﻼﻣﻪ
ﺍﺳﺘﻐﻔﺮﺕ ﻋﺎﻟﻲ ﻟﻘﺪﺍﺭ ..ﻟﻠﻐﺎﻳﺐ ﻃﻠﺒﺖ ﺍﻟﺴﻼﻣﻪ .
.
.
رد الشاعر ﻣﻌﺎﻭﻳﻪ
ﺍﻟﺼﻮﻳﻌﻲ ا.
.
ﺗﻨﺸﺪ ﻭﺗﺠﻴﻚ ﻻﺧﺒﺎﺭ ..ﻋﻠﻰ ﻧﺠﻊ ﻛﺎﺑﺮ ﻣﻘﺎﻣﻪ
ﻟﻴﺎﻡ ﺗﻜﺴﻴﺮ ﻓﺨﺎﺭ ..ﻭﻟﻴﺎﻡ ﻟﻐﺔ ﻋﺠﺎﻣﻪ
ﻭﻟﻴﺎﻡ ﻗﺺ ﻣﻨﺸﺎﺭ ..ﺳﺮﻳﻌﺎﺕ ﻳﻮﻡ ﺍﻟﺪﻫﺎﻣﻪ
ﻭﺍﻟﺨﻮﺕ ﺣﻦ ﻭﺃﻗﺪﺍﺭ ..ﺑﺎﻟﺸﺮﻑ ﻋﺎﺷﻮﺍ ﺯﻋﺎﻣﺔ
ﻳﺒﺎﺗﻮﺍ ﻣﻴﻌﺎﺩ ﺳﻤﺎﺭ ..ﻋﻠﻰ ﻗﺎﻑ ﻳﻄﺮﺏ ﺃﻧﻐﺎﻣﻪ
ﻭﺍﻟﻘﺪﺭ ﻣﺤﻔﻮﻅ ﻟﻠﺠﺎﺭ ..ﻭ ﻟﻠﻮﻃﻦ ﻳﺸﺮﻭﺍ ﺍﻟﺴﻼﻣﻪ
ﺑﻦ ﻋﺴﻜﺮ ﻣﺠﺪ ﻳﺬﻛﺎﺭ ..ﺑﻄﻞ ﻏﺎﻟﻲ ﺃﺳﻮﺍﻣﻪ
ﻓﺪﻳﻨﺎﻩ ﻓﺮﺳﺎﻥ ﻟﻮﻋﺎﺭ.. ﻭﻻ ﻳﻮﻡ ﻗﻠﻨﺎ ﻧﺪﺍﻣﻪ
ﻭﻛﻞ ﺟﻴﻞ ﺳﻴﻒ ﺑﺘﺎﺭ ..ﻭﺟﻲ ﺟﻴﻞ ﻋﺎﺭﻑ ﻣﻬﺎﻣﻪ
ﻻ ﻏﺪﺭ ﻻ ﻗﺒﺾ ﺩﻭﻻﺭ ***ﻻ ﺷﻴﺦ ﺣﻠﻞ ﺣﺮﺍﻣﻪ
ﻻ ﻳﻮﻗﻔﻮﺍ ﺻﻒ ﻋﺰﺍﺭ ..ﻭﻻ ﻋﺎﺭ ﺭﺍﺱ ﺍﻟﻨﻌﺎﻣﻪ
ﺃﺑﺎﺭﻕ ﻓﻲ ﺍﻟﺤﺪ ﺗﺸﻬﺎﺭ ..ﻭﻳﻦ ﺍﻟﻤﺸﺎﻫﺪ ﻋﻼﻣﻪ
ﺑﺤﺎﻳﺮ ﻭﻗﺮﻉ ﻭﺩﻳﺎﺭ ..ﺍﻟﺘﺎﺭﻳﺦ ﺛﺒﺖ ﺃﻗﺪﺍﻣﻪ
ﻭﺍﻟﺜﻠﺚ ﻟﻠﻀﻮﺩ ﻣﺤﺪﺍﺭ ..ﺣﺼﺺ ﻧﺠﻌﻨﺎ ﻭﺍﻟﻘﺴﺎﻣﻪ
ﻭ ﻓﺎﻟﺜﻠﺚ ﻧﻘﺴﻢ ﺃﺷﻄﺎﺭ ..ﻗﺪﻳﻢ ﻋﻬﺪﻧﺎ ﻳﺎﺻﻤﺎﻣﻪ
ﻭﻣﺎﻫﻴﺶ ﻣﻠﻚ ﺳﻤﺴﺎﺭ ..ﻭﻻ ﻃﺎﺑﻮ ﻟﻠﺮﻭﺍﻣﻪ
ﺍﻟﻤﻤﻠﻮﻙ ﻣﺎﻳﻤﻠﻚ ﻗﺮﺍﺭ ..ﺍﻟﻤﺮﻫﻮﻥ ﻣﺎﻳﺪﻓﻊ ﻏﺮﺍﻣﻪ
ﻭﻳﺎﻇﻠﻢ ﺟﺎﺭ ﻣﻦ ﺟﺎﺭ ..ﻭﻳﺎ ﺻﺒﺮ ﺣﻠﻢ ﺍﻟﺸﻬﺎﻣﻪ
ﺯﻗﺰﺍﻭ ﻭﺍﻟﻜﻢ ﻭﺍﻟﻔﺎﺭ ..ﻛﻈﻤﻨﺎﻩ ﻏﻴﺾ ﺍﻟﻜﺮﺍﻣﻪ
ﻭﻣﺠﻠﻮﺏ ﺟﻴﺠﻞ ﻭﻫﻘﺎﺭ ..ﻓﻲ ﺍﻟﺒﺎﺭﺩﻩ ﻭ ﺍﻟﺘﻮﺍﻣﻪ
ﻭﻳﺎ ﺣﺪ ﻣﺮﺳﻮﻡ ﺑﺎﻟﻨﺎﺭ ..ﺍﻟﻌﻄﻒ ﻣﺤﻮﺭ ﻭ ﺷﺎﻣﻪ
ﻭﻻ ﺗﺼﺪﻗﻮﺍ ﻛﺬﺏ ﺗﺠﺎﺭ ..ﻭﻃﺎﻣﻊ ﻗﺪﺍﻛﻢ ﺗﺮﺍﻣﻪ
ﺍﻟﺼﻴﻌﺎﻥ ﺃﺷﺮﺍﻑ ﺃﺣﺮﺍﺭ ..ﻣﺎﺗﺒﻴﻊ ﻭﻃﻦ ﺍﻟﻔﺨﺎﻣﻪ .
ليست هناك تعليقات:
إرسال تعليق