عـــرب لـلـجــار الشاعر/عبدالله سالم الاخضر المشاي

خطّر دار اقدم بهلها .. لوذ جبلها ..شارب لمـزان امفلـلـها

خـطّـر دار اصـحــاب كـــرم .. عوايـد ليـهـم نــاس زمــان
الــراجــل بيـمـيـنـه يــعــزم .. وشـرهـان تـفـضـل يـافــلان
عـلــي صـايـبـتـه مــاوسّــم .. علالـيـش حلـيـب وخـرفـان
شـويــة وايـجـيـك الــــلازم .. اطـبـاقـه ميّـلـهـا مــســلان
عـرب ربـي انعـام عطـاهـم  .. إيبالـه والمـاعـز والـضـان
حــلال مصـفى فـيـه قـســم .. حـقـوق فقـيـره والجـيـعـان
طلق عشوش في هود رتـم .. خـالـي وسـهـوبـة تـدكــان
مــع بـيـت امبيـهـج مـنـظـم .. طليـس وسمكـاتـه عـمـدان
امـفــرّش بـنـطـوع امـتـكّـمّ .. امــرادع بجـلـود الحـيـوان
وكـانـون جـلاهـيـه احـمــمّ .. اضّـاوت فـي جنبـه شهبـان
علـي ما هالـوا فـيـه احــزمّ .. حطب سـاق نسومـه دخـان
رمــاد تـقـول غـبــار غـلــم .. رقــي قــدام الـنـزلـة بـــان
فطيـبـتـهـمّ .. اتنـسـيـه فـولـديـه احــيــان
عـرب فـي الليـل ادّيـر ملـم .. وسامـرهـا دايـــر طـشــان
علـي انغـام قصايـد واحكـم .. ســمـــورة لابــكـــرة لاذان
تقول قطن علي روس خدمّ .. الـنــدوة عالّـبـيـوت اتـبــان
عـــرب مـولايــا كـارمـهـممّ .. في كـل رتعـة مربـوط حصـان
صهيلـه يخـلـع فــي النـايـم .. .. دقيل رعود في روس امـزان
امــربّـــد فــمّـــه مـتـلــجّــم .. الـلـي قيـنـه كـيـف الــودان
رجولـة ويــن عليـهـم هــم .. ارقاب اوعول علي معطان
فعـايـلـهـم نــاســـه لــقـــدم .. الخـايـف لا جـاهـم يطـمـان
عرب حكمة من شيخ هرم .. كلامـة فـي سنـزت مـيـزان
ايفصّل فـي المشكـل و ايتـم .. ومـا يتعاطـف لـي غلـطـان
فهـيـم لـيـا الميـعـاد رســـم .. وفارض نفسه عنـده شـان
عــرب كــان الـبـارود رزم .. تنادتـلـه مـــن كـــل مـكــان
ايجوا عل سبّق كيـف الـدم .. يفـوروا زي حمـمّ البركـان
عشيـر النزلـة والبـن عــم .. يقصّوا فـي الغـازي قصّـان
سوانـيـهـم تـنــزح واتـجــم .. عليها دار الديـس اغصـان
عــروبــة ليـبـيـيـن إلــهـــم  .. الفزعـة والرفقـة ولامــان
الـلــي مـانـقـدر نـوصـفـهـم  .. ولـونـديـر علـيـهـم ديـــوان

اللـي ويــن نجـبـد طاريـهـمّ .. .. نغيب ونلهى في قصة ماضي مجملها
اللي دحروا جيوش الغاشم .. علي ضايلها ردّوا تراب اللي راحلها
مــوش حجـايـج خــط قـلــم .. اللي ردّله حقّه روس تريس بدلها

خـطّـر دار تـريــس اصـيـلـة .. كـسّـابـيـن لــطــوش ذراوي
امنـيـن عليـهـا كــم عديـلـة .. وغـرايــر بـحـبـال مـــلاوي
بيـه اتـشـق طـريـق طويـلـة .. وثنـايـا وسـهـوب خـــلاوي
هــي لــي لارامــلّ ضلـيـلـة .. ولـي ليـتـام خـيـار كـسـاوي
منطرحـة فـي بسـاط هميلـة .. اللـي تعرفهـا نـاس بــداوي
ويــن عـفـي عـلّـم تمشيـلـه .. اللي ممطور عليه شـراوي
ويــن شـرابـه بــزّع سيـلـه .. بــــر ارداد غــديـــره راوي
تسّـاوى الـلـي فـيـه هزيـلـة .. رقمـا والظـمـران شـهـاوي
وعـاد فحلـهـا مــن يوميلـه .. لا طـيّــح مـن الـفـم رغــــاوي
اوصـافـه عالّفـحـول قليـلـة .. وركـابـه صـفّــاح رحـــاوي
طـول امحاشـه فيـه جميـلـة .. قصر انشاشـه كيـف تبـاوي
ورقبة وين وقف عـل حيلـه .. حنيـة فـي وادي صـحـراوي
وخـفـافـه تـغـيـص فتبـديـلـه .. اتقـول علـلّـي تحـتـه ثــاوي
راســـه للـسـامـع تمـقـيـلـة .. صيفـة زيـر بـدون عــراوي
يـاجـيّــاب حــمــول ثـقـيـلــة .. ياقاطـع مــن فــج سـمـاوي
سـيــدك مـتـخـلّـل بـطـويـلـه .. .. مشربها في الريـح ايـلاوي
عـل ضامـر يطـبـخ طاريـلـه .. شوشت ليـث قنيصـه نـاوي
بـيـتـه تـشـعـل فـيــه فتـيـلـة .. زي سرداب الراهب ضاوي
ناس ان جاها ضيف اتجيله .. ما ايتوقوا من تحت رساوي
مترجّـل والـلـي عــل خيـلـه .. ما تفرق في الناس اتسـاوي
حـتـى مـــن لـكــلاب ذلـيـلـة .. مـن كثـر الضيفـان هـداوي
والـبــل خـبـرهــا تفـصـيـلـه .. تجلـب فـيـه الـسـو دعــاوي
مـن وقـت الباسـوس نزيلـة .... اللـي جـايـب قصّتـهـا راوي
عــل نـاقـة مــن كــم قبيـلـة .. راحـت زي دخـان الـجـاوي
وهـــذا عـيـبـك ياالـخـويـلـة .. والـبـاقـي مـالـيـك هـفــاوي

كـانــت لـلـتّـرحـال وسـيـلــة .. وتستعملها ناس فلشرام منازلها
لعـوج لغـاهـا عـنـدي ميـلـة .. وخصايلها تفرض عالناس ادّلّلّها
ادّيـر في صـوت خريـر رقيـلـة .. رقاب ايبلها .. وين تشرب فوق مناهلها

خطّر دار اقدم بهلها ..لوذ جبلها .. شارب لمـزان امفلـلـها

 سيله جاير .. غلاء بوضفاير والجبين الناير

ماهو امخلئ فالخزين عماير .. اللي مادفن باعد بعيد جبوبه

حتى انكان ماهن شئ اوقات ثماير .. الخاطي اللي لا قال قول حكوبه

ياانويرتي ياس الاعزاز الغاير .. اللي له اعزاز صحيح واعتزوبه

ولا من طرفهم صارين صراير .. نين للنسيّه يقعدن راقوبه ..

امفيت مامحبه راسخه وجراير .. انظاف كيف كاسيهم اللي عدوبه

تهذمل اتهذميلة ارواق الباير .. بعدهم العقل وكاثرات اعيوبه

وتمن ايجْنا كل يوم قهايـر .. م اللي بلاه مايسووء ويسّموبه

لوكان طارفين الدم ماهو حاير .. اللي ايتوق منهم بـ أختا امعقوبه

واتطولهم خساير تابعات خساير .. امنبل جواضئ واجده وانقوبه

لكن العله بقيتا ايتعاير .. انكان في امكافاتم اركب مركوبه

واتلومه الناس وشئ ماهو داير .. وانكان هو سكت واطي علي ملهوبه

بلا وعي جرينا ابيوت قصاير .. بعيد ع السريب اللي ألكم ندووبه

سببنا التالي من اعيون الطاير .. هظاك النداوي محزم المقبوبه

بو خد ناير بو غثيث ضفاير .. بو طلمسه في بسمته واسلوبه

بوشفاه مثلنا جديد الماير .. نظيف العضا بوصدر ذايق روبه

بو رمش يطعن كي الحكم الجاير .. اللي ع الضعيف وهو بري احكموبه

بوصباح يضاوة ارما البشاير .. بو زول مو شايل ولا امعيوبه

بو وصف عايز قبل ماهو ساير .. علي علمنا وانصار يبقا جوبه

اللي هله ع الحاير اصحاب دباير .. والخايف اطامّن وين مالاذوبه

سعادي أسمْمو فالاوطان جباير .. كيف الهلاليه ثنا طريوبه

ا نجاهم الخيّر له الخير اتداير .. وعده وهو يشكر وما منوبه

وان جاهم الغاير في سبيب مغاير .. خلو عجاجته ترقا بعد لعبوبه

في أبطونهم عاشن نصيب عشاير .. جناح أيتحمل واجد اذاروبه

ايحضو القول السمح موش الباير .. وسامة اشبور الخد ع الرعبوبه

اسماح أماير .. علي نقبهم مامن أغنا غنوبه ..!!

خطرها الا فاهق غلاء مداير .. وراه ذحت ناوالعين وانهاتوبه

والعقل المّدريس بو سواد امغاير .. عزق أعمامته ناضن عليه أصحوبه ..

عليك سيل غربنا وماندروبه .. غلاء بو شفاه اتقول تمرة ذوبه

جيبولي جديد .. عندي شي في نفسه يعيد .. انريد جديد جيبولي جديد

الشاعرخير بوحنيش

ماعندي اخبار.. امفيت اوهام واسمور وجضار

وشان الوطن كي خليت الدار.. وقل افزاع والغالي بعيييد مطرا شين زايدنا اقهار .. عالثر اجداب ولحال الشديد ..قبلي حر خلانا دمار .. ومعانا فقد ماضني يحيد

الشاعرعطيه بوترحي

ماعندي أقوال ..ايبات الحال يصبح هو الحال .. وطال العيب فينا نين طال .... سو لقراب والله مالبعيد انقلت ارجال ماتلقا أرجال ... ومان ايبان فالوقت الشديد .. وان الحكي تلقاهم اجمال .. ويقطع وطن في واسع مديد .. اتجي لجد ما تلقي خيال.. ايذوبو كيف مايذوب الجليد

الشاعرخير بوحنيش

ماعندي سهاري .. امنين انجيب نقرالك نشاري .. وقتي مال خلانا ذواري .. اجرحلي غير لازمني قصيد .. لي اسنين ونا نكما ف اسراري ..كامي نار بوسالف بجيد .. عين الصقر كي صادف حباري .. نداوي صبح متمني الصيد .. عين غزال في دفة صحاري ... وشوف اكحيل كي تقفز اتريد ماعندي جديد

الشاعرعطيه بوترحي

ماعندي حكاوي .. نمشي وين ماعندي جلاوي ..كان مشيت مقصور الخطاوي ... انحوس قريب مانمشي بعيد .. ونحكي ليش والسامع ايلاوي .. ايعاند في (في) طبعه عنيد حكيي ..راح كي لضم الحجاوي .. لا انت افهمت لا نا عد انزيد 

 الشاعر "علي بو اسلّيم الشلوي"

غثيـث اسفَّـى فـي مـريـم :: ايـميـح اظلـم :: اتقول اغرنبـة لـقـين دم

غثيث اسفّى ماح ارجود :: اطوال وسود :: امظلم لونه كيف اجنود

اجيوش تلاقن بين احدود :: بـ يس ويم :: ايركن خبط وشيل قدم

امغير عَنَدْنا طقة عود :: وسحب اقسم :: اتجي لبعضها تزاحـم

وتبقى تسمع في البارود :: وهو يرزم :: رعد برّاقه تشّاكـم

مثل سالف هذيك الخَـوْد :: ايجيب لهم :: وهي سافيته متـولـم

اتنسف تنسيف الجلمـود :: اللي لـجِّـم :: حلكها بأفواعيص احكـم

اتسفّي في سالف مـجدول :: وهو امحلـول :: ايغطي فيـها عرض وطول

ان جا متراشي عالسلسول :: ابروج ايلــم :: اجيوش اعبدّه جيب خدم

اطّوى فوق ضـمير اتقـول :: امع مـحـزم :: اسطـول ايـهـزّن فيه ابطـم

امع برمـة هـذاك الزول :: انـجـيـهـا يــام :: اتقـول امـرابط جـاوي شـم

ونا حاسب روحي معقول :: وما من هـم :: امعانيه وغـيّات اقـدم

انذاري توا لـي الـحول :: ومتـحـشـم :: وهـي بـظـروفـي ما تعـلـم

اتسفّـي في سالف زدوات :: حطب طيّـات :: اثـنّـى بـين الـجـدّالات

علي صدر اتقول مغـاثــات :: ابـهـن تحـجـم :: ايـكـرّن فـي تأثـير عـدم

إن ماهن هـكـي كـبّـايـات :: مـلايـا جـم :: حلـيب وبين ايدين اسقـم

ان جت تدودش بين بنات :: انـيـاق اخـرم :: ايقضـن في غملـول رتـم

اتبحت فيـهـا هـي بالذات :: وكـي تـخـطـم :: اتـجـي في جـرتـها تـرعـم

الـمـولـى عاطـيـهـا مـيـزات :: ابـهن تـفـخـم :: جـمـال امعـا تـرديـع لـحـم

وهـلـهـا من هـ العبيـدات :: وخـال وعـم :: أجـواد وخـيره الأب والأم

إن لاقـت بـو سـابع حـجـات :: وهـو مـحـرم :: ايـرد ومـا شيـطـان رجـم

ويـقـعـد بـيـن الـتـقـازات :: ومـاو فـاهـم :: اخـطـوط الـرمـلـة والـمـبـرم

ايـسـال ويـكـمـى فـي قـزات :: ايـقـول زعـم :: انـهـا تـقسمـلـي مـا تـقسـم

غـثـيـث اسـفّى مـاح طـويل :: امـشـط فـي مـريـم عالـمكـدود

امـدبـر ديـهـا بـالتـجـديـل :: غـلبـهـا خـلاتـه مـفـجـود

امـظـلـم لـونـه كـيف نـزيـل :: اشـبـوب ايـزومـن فـيـه ارعـود

اضـارب غـيـمـه ذاب هذيل :: امـريـسـه يـزوى فـيـه خـمـود

سـفـاه وقـبـل بـه تـقـبـيـل :: تـعـلاّ يـسـنـد فـيـه اسـنـود

ونـاض امـع الاصـلاب شـليـل :: اشبـوبـه والريـغـان عـمـود

الـعـب فـي وطـن الـقـيـه مـحيـل :: مـلايـا خـلاّ مـا مـن هـود

اللـي مـتـواسـي راس وذيــل :: يـغـزرف للـطـاره امـغـرود

امـع وديـانـه طـفـر الـسـيــل :: قـوي مـا ردّن مـاه اسـدود

ايـزم ويـضـايـق وايـمـيـل :: ايـخـلـي فـي الـعالـي امـهـدود

رتـم واجـدالـي فـيـه ايـشـيـل :: ايـكـوّر مـا خـلاّ لا عـود

اتـقـول ايـزاحـي فـي بـنـتـيـل :: عـلـي جـالاتـه دار احـدود

ارجـاع وتـمّـا عـام جـليـل :: امـربـع والـغـابـه عـربـود

ايـجـيـه الـلـي نـيـتـه تـمـويـل :: بـضـان ومـاعز والله ذود

ايـمـدد وايـحُـوش مـشـاليل :: حـواريـنـه دارن عـنـقـود

امـهـدّى يـرزم فـيـه خـويـل :: فـحــل مـا خـشـن ديـه اقـيـود

ولا عـمـره والـف تـعـقـيـل :: ولا زازى يـوم بـكـرمـود

امـوازى مـن بـيـن جـمـاويـل :: وهـو سـاعـتـهـا كـان قـعـود

امـوالـي سـيـده عـاش هـمـيـل :: امـع امـه لـه عـامـين صـعـود

إلا انـا ما يـعـنـيـنـي شِيـل :: ولا جـارحـنـي لاو مـقـصـود

امـغـير انـمـثـل فـي تـمثـيـل :: خـجـل فـي مـريـم طـاح ارجـود

عـليـه ايـسـهـري جيـل لـجـيـل :: ان طـال الـنـاشـد فـي الـمـنـشـود

ثـنـاء لا نـبـي فـيـه جـميـل :: ولانـي طـالـب فـيـه اردود

ولانـي واخـذ بـه بـرطـيـل :: ولانـي مـاكـر بـه الـحـسـود

ولاي سـهـرايـت قـال وقـيـل :: مـديـح الـرايـق للـمـريــود

ولاهــو كـذب وزيـف وتـهـليـل .... وهـو فـي مـريـم مـو مـوجـود

وهـي لاي حـاجـة فـي ايـد بـخيـل :: ولاي مـدفـونـة بـين لـحـــود

الـلـي مـتـمـقـلـهـا تـمـقيـل :: كـلامـي عـنـده مـاو مـنـقـود

والاخـر نـحـكـيـلـه تـفـصيـل :: ان مـا صـدقـنـي فـيـه اشـهـود

انـسـاء فـي مـريـم هـابـا هـيـل :: ايـجـن مـا ظـنـي قـود بـقـود

ظـلام وهـي فـيـهـن قـنـديـل :: اضـوي لـيـلـة عـيـد الـميـلـود

لـهـا مـا فـي الـنـسـوان مـثـيـل :: ان قـلـنـا وردة بـيـن اورود

حـشـا خـيـاتـي مـاو تـزطـيـل :: ولاي قـولـت مـن قـال اسـعـود

إلا مـريـم حـمـراء بـالـحيـل :: وبـيـضـاء وامـيـامـيـهـا سـود

اتـذبـل فـيـهـن فـي تـذبـيـل :: غـزال تـهـدى بـين اغـرود

وهـدب ومـاقـي بـالـتـكـحـيـل :: عـشـايـش فـحـامـه هـبـود

ابـداع الـبـاري فـي تـشـكـيـل :: حـواجـب واتـلـهـلـيـب اخـدود

الـمـضـحـك يـوقـد كيـف الـريـل :: الـصافـي مـن الـغـلـيـة مـجـبـود

الـشـفـه حـمـراء دم قـتـيـل :: نـهـار امــنـــابــــــات الـبـارود

ضـوايـا زيـنـة فـي أوتـيـل :: شـكـيـع ايـديـهـا والـجـرعـود

وحـاجـات اتـقـول فـنـاجـيـل :: وصـدر اضـاون فـيـه اعـقـود

وعـقـل وزول ولـبـس ايـخـيـل :: ابـهـا لاهـو نـاقـص لاو مـزيـود

امـقـزول تـرعـيـه اتـقـزويـل :: احـلاس عـلـي ضـامـر جـلـمـود

اطـبـول امـسـاوى عـنـد الـكـيـل :: اتـجيـه لاي دنـه لا نـدنـود

الـوسـط اتـعـانـي فـيـه ثـقـيـل :: وهـي تـردح بـهـمـوم اشـدود

اتـقـول اتـحـجـل بـه تـحـجـيـل :: تـقـالـب تـحـسـابـه مـقـنـود

الـسـاق امـعـدل كـي تـعـديـل :: شـمـاعـي فـجـرة نـقـش اهـنـود

امـسـاوى لا فـيـه اتـخـطـويـل :: ولا شـين اقـبـش لاو مـسـفـود

خـفـيـفـة مـشـيـتـهـا تـسـتـيـل :: اتـقـول اتـخـطـي بـين ارقـــود

وجـت تـدودش بـتـجـلـويـل :: خـذتـنـي بـوقـة شـيـنـك هــود

ابـقـيـت انـمـوج اتـقـول هـبـيـل :: انـجـيـها وانـعـدي وانـعــود

انـحـس بـغـربـة واتـبـهـديـل :: انـكـابـي والـصـاحـيـب اقـعـود

انـتـاقـي فـيـهـن بـالـمـنـديـل :: ادمـوعـي لا راعـيـت اوحــود

ابـكـايـا واسـمـور فاليل :: انريده للنيران برود

غلا ماتمى فيه رسيل..ولو متبادل بين كبود

اندسه نين يبان دليل...اما قاعد ولا مطرود

من الله ولا راي ضليل..انعاني هم..غلا لو عاين لو قاسم

ايشنتل فالجوف اتشنتيل...يطيح اقجم...تقول يقرض فيه جلم

 الشاعر "علي بو اسلّيم الشلوي"

ربي ما يكتب خونتم :: في عازتم :: مازلنا نبو رفقتم

من يومآ صارت غيتم :: في مدعاهم :: نجري نين انصفي ماهم

ساعته تصدر جيهتم :: ياس وراهم :: ولا يقسملي لاماهم

ونماصارت قسميتم :: رد اكفاهم :: لي الحق انشيل عناهم

ربي مايكتب فرقاهم :: والفناهم :: غليو عزينا ابغلاهم

ربي مايكتب لفراق :: اللي عشاق :: الفرقا واعر ع المشتاق

اخصوص اللي كيفي حماق :: انما راعاهم :: يومين اولا جاه نباهم

ايجي بارم كيف السراق :: ايريد حباهم :: ووقات ايرد اوماجاهم

لاجل خايف من نقناق :: عرب يالاهم :: مكاره وخباث انياهم

امع تنغيزات القاق :: ايجيك الواهم :: هاللي ما يابا ايتفاهم

ربي مايخلق ويسيب :: موش امريب :: نصبر والتخميم ايشيب

نرجأ فأمر الله اقريب :: بالك راهم :: مكسبهم في طول رجاهم

نا ماريت دلال ايخيب :: فيت امعاهم :: كيف انريد انعيش بلاهم

ربي مايرضى لعبيده :: تقهير وتقطيع قسامي

واحنا ناس اصحاب عقيده :: ملتزمين بدين اسلامي

قال اللي للحي اتصيده :: لكن نأ عالمولي رامي

طامع في فضله وانريده :: يسمعني يوفي بكلامي

هو مولاي وعمري فيده :: وانلومه ويعد ملامي

صارت في وقتي تصعيده :: ماوالا مشوار ايامي

واخراقابس نار جديده :: شاط امعاي صناها حامي

يحرق في جوفي بصهيده :: من راسي لاعند اقدامي

حتي في وان الترقيده :: كيف ايجيب اعزاز منامي

نقفز بغطايه ونحيده :: نوعي نحسبهم قدامي

نقعد نرجف كي الجريده :: يبقن مرتكات اعظامي

تبقى هاذيك التقعيده :: :: :: ترجيعت شرطان افلامي

نين اليل ايحيد هويده :: وانا حايس في برامي

لامباكر ننوي تسقيده :: نمشي لولافي متعامي

عندي عالغاشي تهويده :: :: :: كي سعي السقاي الضامي

مرات نطول تميعيده :: وانسهري وانحيد غمامي

لحظه مالحظات سعيده :: كي نلقاهم :: صدفه مانقار احذاهم

ربي مايكتب فرقاهم :: والفناهم :: غليوا عزينا بغلاهم .

كل التفاعلات:

٥Yasin Abuseif Yasin، وزهير العالم و٣ أشخاص آخرين

 الشاعر "علي بو اسلّيم الشلوي"

حازن دون امحني كفا :: مامن دفا :: وارض ايدوخ اللي عارفا

حازن بو مشيا دولاج :: اقرى وحجاج :: وقور اسود داير نفاج

وسافي رمله دار عجاج :: رقيق اسفا :: يرقى وين الريح اتهفا

ونا مضايق بي الملاج :: وباسي خفا :: موح اديار رقيق الشفّا

حازن دون امحني كفا :: مامن دفا :: وارض ايدوخ اللي عارفا

حازن دون اديار الغالي :: قور خوالي :: صحرا موساكنها والي

لا من قبل ولا من تالي :: وامقارفا :: حتى اللي كان اموالافا

واللي مايخبر كي حالي :: طايح صفا :: قاعد عالبهرة يدفا

حازن دون امحني كفا :: مامن دفا :: وارض ايدوخ اللي عارفا

حازن دون نضيف ابشاره :: وطن اوعاره :: ماتبرم فيه ابسيارة

ياما من وادي جراره :: داير ضفه :: بجداري وارضا بقطفا

يفلت بين حوايا قاره :: سود احجفا :: مختلفات ألوان اجرفا

ماتعرف فيه ولا مارة :: لوتوصفا :: للي كيفي مايصدفا

حازن دون امحني كفا :: مامن دفا :: وارض ايدوخ اللي عارفا

حازن دون نضيف اكعابا :: قور سرابا :: يجارى من حمو اترابا

من قابيت ضنين شرابا :: وارضا جفا :: لو تمشي فيها اتوفى

فيت علي مشبوك انيابا :: مايتحفا :: كي قنان الحرة خفا

ورورتا من غيظ اخيابا :: يشرشفا :: تورم في حلقه يقذفا

والها من شدقا نكبابا :: وين عزفا :: زغرتات ليالي زفا

حازن دون امحني كفا :: مامن دفا :: وارض ايدوخ اللي عارفا

حازن دون غزير اهدوبا :: لشعل مولى العين ذبيلة

وطن ايكيد الناس اهلوبا :: لكثر موقادر يمشيله

يلقى في ممشاه صعوبا :: كيف ايشد معاه رحيله

مستاحش من بعد الجوبا :: وانها عالمشاي طويله

يبقا حاير في غيبوبه :: يقند هود ايجيه مثيله

لااشعرايه لاخروبه :: لا درب ايوديك دليله

لادوار علي مركوبا :: نين ايجيك بعد توميله

لاعينه ترعي سبوبه :: فيت قطا والله قليله

والله ريم ايدير جلوبه :: كيف الموج سراب ايشيله

غبين مالريغان ادروبا :: وطن اتقول سبوغت نيله

يطلق فالشعله لهلوبه :: حامي كيف ارضا لمحيله

نص اليل ايدير رطوبا :: صقع وريح معا تطليله

قز اربد كي ثمر الذوبا :: جا قاند صوان رزيله

وحلن في ممشاه اثلوبه :: نين الواحد يبرد حيله

يبقا يلوي في عرقوبا :: ويده فالتمويح ثقيله

زور امفيت علي ارعبوبا :: تبري للمشتاق غليله

سمحا للموال كسوبا :: مده في ذروتا ميله

لي سوده كيف المرعوبا :: لي بيضاء لي خضره نيله

لي شقره لي حمره طوبا :: لي صفره كيف القتيله

زرقا زيتوني مرغوبا :: ديما عند ارباب اكحيله

عاشت صاحبها سيوبا :: تدهور في قور ضليلة

لي مفطوما لي محلوبه :: ولها سبع اسنين هميله

صدفة لاقتني مجلوبا :: ترجف مالدلال ذليله

والتني قلت المطلوبه :: تبقى للغياب وصيله

صاحبها سعداوي صوبا :: باع من اول سوم اعطيله

جبت اقلاصا درت النوبا :: درت احسابا داب خويله

غيرالله كاتب مكتوبا :: بالخير وناوي تسهيله

تحلف حلف انها ميدوبا :: ماصارت فيها تخبيله

درتلها حفلة امحسوبا :: كلمت الصاحب ولعيله

حتى الي ماجاء عبيوبا :: دزو مرسال ايوديله

ولي حاظر حل اجيوبا :: مد اقروش وقال نحيله

قلت اليوم انلم الروبا :: وحطامي وانبات الليلة

اونطلع من غربي مرتوبا :: بين القنابي ولحيلة

خطرها ياعين امنانا :: شوف الديبة :: نطرب وين نجيب سريبة

ياخالق للطير نصيبه :: . سود رغيبه :: . سهل قسميته الصعيبه

كل التفاعلات:

٥زهير العالم، وDesertDones Fawzi و٣ أشخاص آخرين

 أحوال حايلة .. للشاعر حسين الحلافى

ملحمة شعرية رائعة؛ انطلقت من مطلع أنشأه الشاعر محمد بن زيدان» أخذه شعراء عديدون؛ وبنوا عليه قصائد مطولة وأبياتا متفرقة» تدور في معظمها حول الشكوى والاعتبار من تقلب أحوال الدنيا بالناس؛ بين السعادة والشقاءء وبين السمو والهبوطه وبين الأمل واليأس. وكان من أهم أولنك الشعراء الذين بنوا على هذا المطلع شاعرنا الشيخ حسين لحلافي؛ وبالطبع تميزت قصيدته بما يتميز به معظم شعره؛ من عمق النظرة واتساع الأفق الثقافي والسياسي'.

احوال حايله بين المنام و طيبه .. أحوال جَبِدُهن للناس فيه الغِيبّة

احوال ايكدن ..أحوال بالغٌرايب كل يوم يجدن

أحوال كل باب وكل فَجْوّة سدن .. مْقَيت ما يْحنّ الله عالم غَينَه

لرانب ايديهن للجّوارح مدن .. وجا الستُبع وجا السبع للقطوسي بستذرى به

عَليه التعالب صايّلات تعدن .. بقى بيهن مذلول ما له هيبه

وكائن ان تاوّق من بعيد يُردّن .. مغير زومنه تربي عليه الريبه

احوال يُعلْن .. أحوال واحلات؛ أحوال ما ينحلن

اللي يُقُول فاتتي عليه ايولن .. يُحدّن عليه بْشَيّ مَو داري به

ايجدن عليه مو فى باله .. ولا كان في ظنّه انه يلفى له

ليام ع البنادم يبرمن بالداله .. ما هناك يُوم لا وراه طليبه

ما هناك يوم ولا وراه طريدة .. جيه بالشّقا ليلة هْمُومِ نكيدة

وئجيه باهّنا ليلة أفُراح سعيدة .. الليل والنهار يُجَن يكل عجيبة

الليل والنهار يجن بكل أوامر.. ين اللي مرتاح دبا سامر

وكَم هَدَمّن من بيت باهي عامر.. مبات الجلاوي كي الليل يجيه

مبات الجلاوي وين عاز مباته .. وأضاقن عيُونه والطريق رماته

يلاقُوه يجارَوا الكل وّشناته .. مُلاقاة صاحب جا بعد تغييية

أجواد كيف مولى البيت كي مولاته **كيف الضنا في الجود كي الغريبة

يبقوا كلهم حضار في ندهاته **وهو تقول منهم منهم ما ثطقه غيبة

راحوا وراح البيت وفراشاته **وراحوا فراسينه، وراح سبيبة

ما يلتقن توا الا ناياته **وجرة نضاديه ، ومبرك نيبه

احوال اشتقنا ** بليقة جديدة كل يوم يجتا

احوال حولن لسلام بين غبته .. بعد صولته ما عد عدو يدوي به

التي كان فيما فات واخذ طئة .. حکم لندلس واوطان ميش قريبة

في قرطبة واشبيلية طاعته .. وياما رفع فيهن الصوت خطيبه

ويا ما حكم فيهن بنص السنة .. وكل من يخالفها السيف نصيبه

كنيب يبرمن ليام ويواتنا ..نمشوا لوطئنا رحمة الله قريبة

بجيش ينطرح سوقات فوق خصئة .. لا يزيد لا ينقص الفين كتيبة

اللي هذا شوق الحرب له يدني .. خلاطه جديد ودقرته ام حريبة

جميع الذخاير كل وان يجنّه ..ما يعوز حتى سلك من توظيبة

تعدوا معاهم ما نفر يستنى .. معاجيل سدينا من التغريبة

اللي يموت مو نادم يجي للجنة .. الموت سهم طايش كل حي يصيبه

واللي يعيش في وطئه هذاك تهنئ ..يعيش حر ويحيد دراه قليبه احوال حايله بين المنام و طيبه .. أحوال جَبِدُهن للناس فيه الغِيبّة

احوال ايكدن ..أحوال بالغٌرايب كل يوم يجدن

أحوال كل باب وكل فَجْوّة سدن .. مْقَيت ما يْحنّ الله عالم غَينَه

لرانب ايديهن للجّوارح مدن .. وجا الستُبع وجا السبع للقطوسي بستذرى به

عَليه التعالب صايّلات تعدن .. بقى بيهن مذلول ما له هيبه

وكائن ان تاوّق من بعيد يُردّن .. مغير زومنه تربي عليه الريبه

احوال يُعلْن .. أحوال واحلات؛ أحوال ما ينحلن

اللي يُقُول فاتتي عليه ايولن .. يُحدّن عليه بْشَيّ مَو داري به

ايجدن عليه مو فى باله .. ولا كان في ظنّه انه يلفى له

ليام ع البنادم يبرمن بالداله .. ما هناك يُوم لا وراه طليبه

ما هناك يوم ولا وراه طريدة .. جيه بالشّقا ليلة هْمُومِ نكيدة

وئجيه باهّنا ليلة أفُراح سعيدة .. الليل والنهار يُجَن يكل عجيبة

الليل والنهار يجن بكل أوامر.. ين اللي مرتاح دبا سامر

وكَم هَدَمّن من بيت باهي عامر.. مبات الجلاوي كي الليل يجيه

مبات الجلاوي وين عاز مباته .. وأضاقن عيُونه والطريق رماته

يلاقُوه يجارَوا الكل وّشناته .. مُلاقاة صاحب جا بعد تغييية

أجواد كيف مولى البيت كي مولاته **كيف الضنا في الجود كي الغريبة

يبقوا كلهم حضار في ندهاته **وهو تقول منهم منهم ما ثطقه غيبة

راحوا وراح البيت وفراشاته **وراحوا فراسينه، وراح سبيبة

ما يلتقن توا الا ناياته **وجرة نضاديه ، ومبرك نيبه

احوال اشتقنا ** بليقة جديدة كل يوم يجتا

احوال حولن لسلام بين غبته .. بعد صولته ما عد عدو يدوي به

التي كان فيما فات واخذ طئة .. حکم لندلس واوطان ميش قريبة

في قرطبة واشبيلية طاعته .. وياما رفع فيهن الصوت خطيبه

ويا ما حكم فيهن بنص السنة .. وكل من يخالفها السيف نصيبه

كنيب يبرمن ليام ويواتنا ..نمشوا لوطئنا رحمة الله قريبة

بجيش ينطرح سوقات فوق خصئة .. لا يزيد لا ينقص الفين كتيبة

اللي هذا شوق الحرب له يدني .. خلاطه جديد ودقرته ام حريبة

جميع الذخاير كل وان يجنّه ..ما يعوز حتى سلك من توظيبة

تعدوا معاهم ما نفر يستنى .. معاجيل سدينا من التغريبة

اللي يموت مو نادم يجي للجنة .. الموت سهم طايش كل حي يصيبهواخر

كلامي هذا ما تتمنى..وربي كريم وما عليه صعيبة