(1)أحوال حايله بين المنام و طيبه
ملحمة (احوال حايلة المنام طيبه )هذه الملحمة غنية عن التعريف
وهي احد ملاحم الشعر الشعبي مثال ملحمة النجع وملحمة ما زلت نا هو نا ... وأول من
بدأ هذه الملحمة (( احوال حايلة )) الشاعر محمد بن زيدان، ثم تناولها مجموعة من
الشعراء منهم الفضيل المهشهش وبورويلة المعداني وعمر بوعوينة وحسين لحلافي و اكرم
الكاسح و هلّيل البيجو مع إضافات لقصائد متداوله بين الناس و غير معروفه القائل
وقد تناولها شعراء كثر مثل الشاعر محمد بن زيدان الشريف صاحب المطلع و القصيدة و
الشاعر (حسين الحلافي) و الشاعر (بو رويلة المعداني) و الشاعر (الفضيل
المهشهش) و الشاعر (الفضيل المهشهش) و الشاعر اكرم الكاسح الدرسي و
الشاعر المحدث هليّل البيجو بالإضافة
لاحدى عشر شاعرا غير معروفين و بالرغم انه
قد تم نشرها في السابق على أجزاء أحببت ان اجمعها تعميما للفائدة
(2) ملحمه أحوال حايله
الشاعر محمد بن زيدان الشريف
محمد بن زيدان الشريف شاعر ليبي
وصاحب شهرة وصيت واسعين ، وُلِد في ودان بالجفرة عام 1880 وتوفي ودُفِن بها عام
1955 ، وتميزت سنوات حياته بتفاصيل عديدة من التجارب والمعاناة : حين كان صبياً في
التاسعة عام 1889 هاجر والده السيد زيدان الشريف من بلدته إلى تشاد وتوفي هناك فظل
يتيماً وحيداً يواجه قسوة من أحد أعمامه واضطر إلى ترك ودان خلفه عام 1894 ، وأقام
في توكرة شرقي بنغازي وتعلم في زاويتها وحفظ القرآن الكريم وحصل على ثقافة
دينية وأدبية وتولى التدريس بالزاوية نفسها في مرحلة لاحقة .
في توكرة البلدة الساحلية ذات
التاريخ الموغل في القدم التي تقع على بعد خطوات من المرج وطلميثة مكث الشاعر
حوالي عشرين عاماً بعيداً عن ودان ونخيلها ودروبها إلى العام 1914 وهو العام الذي
اندلعت فيه الحرب العالمية الأولى ، وقال فيه بيته الشهير
أحوال حايلة بين المنام وطيبة أحوال جبدهن للناس فيه الغيبة
اشتغل الشاعر بالتجارة فترة طويلة وتجول في مناطق الوطن
المترامي الأطراف وربطته صداقات واسعة ومعرفة وودّ خالصين مع الكثيرين ، وخبر
أنساب العائلات والقبائل ، ثم قضى فترة في اجدابيا ، واعتقله الإيطاليون في زوارة
، وتمكن من الشعر الشعبي وظلت قصائده عنواناً لتجربته الشخصية والتصاقه بقضايا
الوطن ومرارة الأيام .
( أحوال حايلة )
للشاعر محمد بن زيدان نسج عليها كبار الشعراء مثله داخل الوطن وخارجه في المهجر ،
وكلٌّ في ردوده كان قوله مطابقاً لما في ( الفاهق ) ومقتضى الحال وأوجاع الوطن
المغلول في قبضة الاحتلال الرهيبة . كانت هناك ردود مشهورة من: الفضيل المهشهش ،
وعمر بوعوينة المنفي ، وبورويلة المعداني، وحسين لحلافي ، ومفتاح الحِقّ ، وسليمان
رقرق ، ومعتوق الشركسي .. وغيرهم .
شعراء كبار من مختلف الأرجاء
شاركوا بن زيدان معاناته الخاصة التي أضحت هماً عاماً فغدت من عيون الشعر الشعبي
الليبي .. حية على الدوام وتنهض شامخة مثل طائر الفينيق .
وكان ثمة مساجلات أخرى بين
الشاعر وصديقه عبدالقادر المنتصر في مصراتة ، كان بينهما تقدير متبادل يفيض
احتراماً ومحبة في زمن صعب وحالك ، وكانت هناك للشاعر أيضاً مشاركة في ملحمة (
مابي مرض غير دار العقيلة ) لرجب بوحويش ، وبعض من الشعر مع ابنه زيدان بن محمد .
الصورة لمحمد بن زيدان ..
الشاعر الكبير ومعه حفيده ( محمد ) في لقطة نادرة بمنزل العائلة في ودان مطلع
الخمسينيات الماضية
(3) احوال حيله بين المنام وطيبه
الشاعر محمد بن زيدان
احوال
حايله بين المنام وطيبه .. احوال جبدهن للناس فيه الغيبه
احوال عجايب .. منهن سقيم العقل
فكره غايب
ومنهن رضيع الثدي راسه شايب ..
احوال حالهن ما قدرتشى نشكي بيه
ان شاكيت ما تلقى حذاك حبايب ..
مفيت الشوامت بالخلاف تجيبه
احوال هوايل .. احوال حايله بين
القدم والجَّايل
احوال سرزهن تحت الشريحه مايل
.. احوال بدهن ما عاد فيه نشيبه
طاحن رواويق اللجام دقايل ..
اندق بالحلق عدي بعيد الصيبه
وطاح الكتاب بدين عصيه نصايل ..
وتفرتك كباس الجلد والتعصيه
احوال خلفن للعاقلين علايل ..
مرض في الجواجي كادهم تطبيبه
مفيت ما الله بيده يدير دلايل
.. واللى عند ربي فرض ميش صعيبه
(4) احوال حيله بين المنام وطيبه
الشاعر
(حسين الحلافي)
احوال يكدَّن .. احوال بالغَرايب كل يوم يجدَّن
احوال كل باب وكل فَجْوة سَدَّن
.. مفيت ما يحنَّ الله عالم غَيْبة
لَرَانب يدَيْهن للجَّوارح
مَدَّن .. وجا السَّبع للقَطًّوس يسْتذْرِي بَه
عَلَيْه الثعالب صايْلات
تعَدَّن .. بْقِي بينهن مَذْلول ماله هَيْبه
وكانَنْ ان تَاوَق من بعيد
يردَّن .. مغير زَوْمْتَه ترْبِي عليه الرِّبيه
احوال يعلَّن .. احوال واحْلات
، احوال ما ينْحَلَّن
اللي يقول فاتَنِّي عليه
يوَلَّن .. يجدَّن عليه بْشَيّْ مو داري بَه
يجدن عليه بشي مو في باله ..
ولا كان في ظنَّه انَّه يَلْفَي له
لَيَّام ع الْبْنادم يْبرمَنْ
بالدَّاله .. ما هْناك يوم ولا وراه طلِيبه
ما هناك يوم ولا وراه طرِيده ..
تْجِيبه بالشّقا ليله هْموم نكيده
وتجيه بالهَنا ليله افراح سعيده
.. الليل والنهار يجَنْ بكل عَجيبه
الليل والنهار يجَنْ بكل أَوامر
.. يخلَّن اللي مرتاح ديما سامر
وكم هدّمَن من بيت باهي عامر ..
مْبات الجّْلاوي كي الليل يجيبه
مبات الجلاوي وين عاز مْباته ..
وضاقن عْيونه والطريق رماته
يلاقُّوه يجَّارَوا الكل
وَشْناته .. مْلاقاةْ صاحب جا بعَدْ تغْييبه
اجواد كيف مَولي البيت كي
مولاته .. كيف الضّنا في الجُّود كي العَزِيبه
يبقوا كلهم حضّار في نَدْهاته
.. وهو تْقول منهم ما تْطقَّه غِيبه
راحوا ، وراح البيت وفْراشاته
.. وراحوا فراسِينه ، وراح سبيبه
ما يلتقن تَوّا الا ناياته ..
وجرّةَ نضادِيَّه ، ومَبْروك نِيبه
احوال اشْقَنّا .. بْلِيقه جدِيده كل يوم يجَنَّا
احوال حوّلَنْ لَسْلام نَيْن
غَبَنَّه .. بعَد صوْلته ماعَدْ عَدُو يدْوِي به
اللي كان فيما فات واخذ طَنَّه
.. حَكَم لنْدلس واوطان مِيشْ قريبه
في قرْطبه واشْبيليا طاعَنَّه
.. وياما رفَعْ فيهن الصّوت خطيبه
وياما حكَمْ فيهن بْنَصّْ
السّنه .. وكل من يخالفها السيف نصيبه
وياما ماكاتِيب الخَليفه جنَّه
.. وياما قرَوْهن يرجْفُوا م الهَيْبه
وياما كسَرْ من جيش كان
مْعَنَّى .. وسَيَّب بْلاداته جلا بالخَيْبه
ما هْناك شِى مطرح ولاخشَّنَّه
.. جْيوشه اللي كانَنْ شْوَيْ في طَيْبه
نين الحَكايم كلهن هابَنّه ..
فْرانسا ودولة طاليا الغَضِيبه
في وطنهن تمَّن كرايس منَّه ..
محا دِينْهن واطَي مقام صلِيبه
يشِيلن عَقَاب الليل ما
يَرْجَنَّه .. كيف يَعْلمَنْ جَيْشه نزَلْ في الصِيبه
واللي يريدْها حالاً بْها
ياتَنّه .. كيف تصلْهن منَّه مغير كتِيبه
خَطَّرها احوال الوقت كيف
فْطنَّا .. لْقِينا لْهن بَرْمات وتْشقّلِيبه
اوقات يبْرمَن لَحوال
ويوَاَلنَّا .. واوقات للبْنادم عندهن تغْضيبه
واوقات يعْكسَن واوقات يَبْقن
لنَّا .. وديما لهن ضحْكَه بعَدْ تكْلِيبه
كَنَيِّب يَبْرَمَنْ ليام
ويواتَنَّا .. نمْشُوا لوطنْنا رحمةْ الله قريبه
بْجَيش ينْطرح سوْقات فوق
حْصنّه .. لا يزيدْ لا ينْقصْ الفَيْن كتِيبه
اللى هذا شوق الحَرْب لهْ
يدّنَّي .. حْلاَطه جديد ودْقرْتَه امّ حْرَيْبه
جميع الذّخايركل وَانْ يجَبنَّه
.. ما يعُوزحتي سلك من تُوظِيبه
نْعَدّوا مْعاهم ما نفَر
يسْتَنَّي .. معاجيل سدَّيْنا من التغريبه
اللي يموت ماو نادم يجي للجَّنه
.. الموت سَهْم طايش كل حىّ يصيبه
واللى يعيش في وطْنَه هَذَاك
تهَنَّي .. يعيش حرّ ويحّيدْ دارهْ قلَيْبَه
وآخر كلامي هذا ما نْتمَنَّي ..
وربي كريم ما عَليه صعِيبه
(5) احوال
حيله بين المنام وطيبه
الشاعر
(بو رويلة المعداني)
احوال
حايله دون المنام وراحه .. احوال جبْدها للرِّيق فيه كلاحه
كيف منو وارد بِيرْ تاوْ نزاحه
.. وكيف منو واحِي في التّْراب طليبه
كيف من اصَّدَّر قو خابْ سْلاحه
.. تاو النّدَرْ بتْصير له تكذيبه
احوال حايله دون المنام ونومه
.. احوال جبدها للناس فيه حرومه
كم خصّْ خالى كان علَّوا كومه
.. وكم قصر خلَّاه الزمان زريبه
وكم عبد نازل في منازل غُومه ..
وكم بَىّْ في حالةْ صغا وهَزيبه
(6) احوال
حيله بين المنام وطيبه
الشاعر (الفضيل المهشهش)
احوال يبكن .. احوال ع اليمين
وع اليسار يتَكَّن
احوال خلّفن عقْدات ما ينفكن ..
باب النجا منهن الله يجيبه
احوال على المصالح بالفساد
تفكَّن .. تفْكاي الطّليب منين دال طليبه
احوال
تشيب .. احوال حايله دون المنام الطيب
احوال جبدهن للناس فيه تريب ..
احوال ما اتفرزهن منين صيبه
ان كان هو جفاك اللي حذالك قريب
.. وهو حبيب يا صاحب لمن تشكي به
احوال
حَسوفه .. ما ينتسن لا عند قطْر الصّوفه
من خاشْ خوك يبقى لك حسودي نوفه
.. حلال الجّلا منَّه بعيد تْسيبه
لا الوذْن تسمع لا العين تشوفه
.. خير من مْقاقاتك وجبد سريبه
احوال
تفارج .. احوال عفْنْهن ع الزَّيْن توا دراج
احوال خلّفن حتى الحمار يهارج
.. في هَيْلعا من خاف من تنييبه
ما
خاف من تهْريمه .. ولا خاف م الهيْلع يقلّ القيمه
لا سْبدّْ م الدنيا لها تبْريمه
.. ينزل اللى راقي بغير دريبه
احوال
وحالي .. احوال كيدهن ع اللى مقامه عالي
الجّارح اللي فيه السّْيور
مدالي .. لا يقرب الحوزه ولاتمشي به
احوال
جن في ساعه .. احوال يقلبن كي قلْبْه الزَّعْزاعة
احوال ركّبن في وطنْنا بوزاعه
.. احوال ودّرنّا كل حد في صيبه
احوال
مشومه .. احوال ما معاهنشي هني في نومه
احوال حاطات الصقر تحت البومه
.. حتى ان فك منها تلحقه وتْجيبه
تلحقه
وتطقَّه .. عليه طايبه ترميه وين تحقَّه
ان كان راجعت عطبك عليها نقَّة
.. الصقر بوجرس يقدع علي تنسيبه
احوال
يجدن .. احوال كيف عقدات الجّراد يمدَّن
احوال يخطرن باشغال ما ينعدن ..
حايْزات من دون الحبيب حبيبه
احوال خمّمن جابن بعيد وردَّن
.. على وطن يا ناري اليوم ذهيبه
حايز بلاداته عدو انسدن .. وكم
نفس شرقانه معاه تعيبه
(7) احوال حيله بين المنام
وطيبه
الشاعر (عمر بوعوينه
المنفي)
أحوال
من شبكهن ..أمغير أطلبه ساهل عليه فككهن
أن كان هن ذنوب برحمته يتركهن
..وان كان رزق مو واعر عليه يجيبه
وان كان من جناب الحكم بابك سكن
..حب الرياسة ع العباد مصيبة
الأيام ديما يا فتي ينعكن
...زال حكم لستانه وهان سريبه
تد لك النفس مع مسارب تكن
..تحسبهن سماح وهن ظلام وريبه
ما في الكتب رينا أحوال يبككن
..مفيت ما صهيد النار وتلهليبه
أذكر كريم الجود لا تتلكن
..وأترك غرار الدهر لا تدوي به
وبدر بتوبة قبل ما ينصكن..
أبواب الفرج للي يتوب قريبه..خلى
دموعها فوق الخدود يهدن .. وكل وقت عاطيها ستاك هزيبه
(8)
احوال حيله بين المنام وطيبه
الشاعر اكرم الكاسح الدرسي
احوال حايله بين المنام
وطيبه..احوال جبدهن للناس فيه الغيبه
احوال تبلّن .. احوال راحتي
من دون جيلي قلّن
احوال
من افكار العقل شي ماخلن.. للعين بيش اتجيه تستهديبه
احوال حايله بين المنام
وطيبه..احوال جبدهن للناس فيه الغيبه
احوال تلوّن.. احوال اف سطير
الجرح غير ايقوّن
احوال فالمعيشه بالسواد
ايبوّن.. ماقابلن في يوم بتشرهيبه
احوال حايله بين المنام
وطيبه..احوال جبدهن للناس فيه الغيبه
احوال تقاون.. بياسات مابت شي
امعاي اتهاون
احوال خلفن علات مايداوّن..
لاكي يبريهن ولاتطبيبه
احوال حايله بين المنام
وطيبه..احوال جبدهن للناس فيه الغيبه
احوال وحايل.. جارن خذن بالغصب
شوف الخايل
رمنّا علي صاحب اشوي وزوايل..
ماعد ابكايا فلوهام ايجيبه
احوال حايله بين المنام
وطيبه..احوال جبدهن للناس فيه الغيبه
احوال مرايف .. علي بوخجل
فوق الضمير ستايف
خذاه ياس ماعقب امفيت
حسايف .. منشاب زايد كل يوم لهيبه
احوال حايله بين المنام
وطيبه..احوال جبدهن للناس فيه الغيبه
احوال رزيله.. احوال فالنهار
تميل مية ميله
احوال عازباً لاهو ضنا لاعيله..
رايح شبابه والحيا تجريبه
احوال حايله بين المنام
وطيبه..احوال جبدهن للناس فيه الغيبه
احوال رديه.. احوال قاسيه مابت
اتجي عالنيه
احوال بغصايص مالهن عديه.. نين
البكا دارت العين دريبه
احوال حايله بين المنام
وطيبه..احوال جبدهن للناس فيه الغيبه
احوال ايغلن .. احوال
دايله لايتعبن لايملّن
احوال فالعصارى يقهرن ويذلن..
مايفرقن بين الذلل والهيبه
احوال حايله بين المنام
وطيبه..احوال جبدهن للناس فيه الغيبه
احوال ايضلن.. احوال للرزيله
يوصفن ويدلن
احوالاً علي بالضيق غير ايهلن..
ماوقفن خيبه اتجرجر خيبه
احوال حايله بين المنام
وطيبه..احوال جبدهن للناس فيه الغيبه
احوال وخيذه.. احوال مرّرن
ساعات نوم لذيذه
احوال حاكمه والحكم له تنفيذه..
ماله كفاله للافراج ضريبه
احوال حايله بين المنام
وطيبه..احوال جبدهن للناس فيه الغيبه
احوال شبيهه.. يتّابعن من كل
جيهه اوجيهه
احوال ظالمه موش كي اللي
نبيها.. ماعقبت لي فالزهاوي صيبه
احوال حايله بين المنام
وطيبه..احوال جبدهن للناس فيه الغيبه
احوال كتبهن.. مولاي من غيره
اللي يشطبهن
هواللي خلق لرواح ويحاسبهن..
وهواللي الفرج قادر علي تسبيبه
احوال حايله بين المنام
وطيبه..احوال جبدهن للناس فيه الغيبه
(9) احوال
حيله بين المنام وطيبه
الشاعر
هليّل البيجو
أحوال حايله بين المنام و طيبه .. أحوال جبدهن
للناس فيه الريبه
أحوال
شقّنا .. أحوال جورن بالعيب نين غبنا
أحوال
للسفيه مسليه حطنا .. فوق العرب مللا عطاب مصيبه
أحوال
نطرزوا ثوب الهنا ايقظنه .. و اللى بنينا يهدمن ترتيبه
منهن
ذوايح في صغا خلنّا.. تخلاق رمنا العيب و التهزيبه
وهذا
عقاب الوقت ماره منه.. اللى الصقر ما قادر ايطول طليبه
الحاصل
ان كان الله رائد لنا.. نزهو بعد هالحال و التعذيبه
ما
بين رمشه عين توا يجينا.. رياح عون من عنده لهن تسبيبه
و
تعمر الدار بناسها اتهنى.. و الوقت يترادع بعد تقليبه
و
يعاودعفيف الطبع كى انتمنا.. مرفوع ع الخطا في الناس عنده هيبه
أحوال قهاير .. أحوال ضيمهن في الناس واجد داير
أحوال
جاده منهن منامى طاير.. احرم حرمه موال واعر جيبه
بوعقل
منهن في الدباره حاير .. مطوجن و مسهاب الخطا زارى به
والخايب
اللى م العيب فيه مواير.. تما سديد الراى في هالمصيبه
عقاب
وقت حط الباف فوق الطاير.. وفى البيت شاخت ع العزوز غريبه
مليت
ونا في الهم نساير .. لاحوددن لا نا حملت العيبه
معاهن
امغير انوح داير جابر.. طرى لى كما اللى حاير فيه طبيبه
وتميت
كى الغريب عزمى خاير.. و مون ا للى نرضى حياة الريبه
مغير
الزمان تجد فيه بصاير.. ترضى بهن النفس موش رغيبه
بنادم
مع ليام مش مخاير.. كريد صاحبه في النار مدّاعى به
(10)
احوال حيله بين المنام وطيبه
قصائد أخرى متداوله و غير
معروفة القائل
(01) أحوال
يهّمن .. أحوال ايفرقن وانْ المْبات يلمْن
أحوال كيف سوقات العجاج يعّمن
.. كم نجع خلّنّه مغير زريبه
أحوال يفلتن بدموع ما ينزمن ..
على من مرعاته علّى صعيبه
حازه غريق الموج فوقه غمّن
..بدولته ولد رومى عليه الريبه
علينا شروطات النصارى تمن ..
وصاحب الوقت الله الكريم ايجيبه
(02) أحوال و حالن .. أحوال ع
المسامى و المقادم دالن
وان شا الله نقولوا زالن
..الدنيا تراجع عندها تقبيله
(03) أحوال ايغمن .. أحوال العقول
العامرات يسمن
ما تقول صارن في نواجع لمّن ..
مبسوط جارهن بالقدر و تشرهيبه
كسّاح الملاوى ع الهناد يصمن ..
واللى في طرفهن ع الرجال صعيبه
لنهار غارن و القطاطر جمن ..
ومع الدهر تلقى كل يوم مصيبه
(04) أحوال تشيب .. أحوال خممن
جابن بعيد فريب
عليها خطر لو ريت وطن يخيّب ..
العين وين ما نامت تجيب سؤيبه
غزير دمعها فوق الخدود يسيّب ..
شالت الليل الكل وهى تهاتى به
الله اكبر ما من وجيْه حْبيّب
.. اللى اليوم متنكد عليه مصيبه
وين ما خطر شوّب الجلد و ريّب
.. وناره كابره طالق معاى لهيبه
(05) أحوال اشقنّا .. أحوال تاعبات
العقل ما هننه
أحوال ضايقنا , وهن اللى جلّنّا
.. على كل ليقه عندهن تقليبه
أحوال يبرمن مامن اللى قلبنّه
.. امْسى بحال واصب بحال مو دارى به
أصحاب المقام المنظم و الطنه ..
اليوم كل واحد في فريق ذهيبه
أحوال للجّدا ما من اللى خلنّ
.. أحوال ما تجى منهن الا التعيبه
وان كان راد أبواب الفرج ينحلن
.. المولى كريم ما عليه صعيبه
(06) أحوال غرايب .. أحوال كل يوم
مْورّيّات عجايب
أحوال الصغير بقى معاهن شايب ..
أحوال الحبيب بقيى عدو لحبيبه
أحوال خلفن فوق العيون ضبايب ..
نهار المكوغط يحلبن شابيبه
نهار فيه تيتار النزالى هايب ..
واولاد الملاح مصادرين لهيبه
فرسان القسار احو اليوم ذهايب
.. وكل بيت قارب نجع مستحمى به
و الفارس اللى كان كيف العقاب
الطايب .. مير الجبل حازوه هو وسبيبه
بقى عسكره بين البرور ذهايب ..
الحكم جار من ربى لمن نشكى به
(07) أحوال
ما ينحلن .. أحوال كيف عقدات الشبردق ولن
أحوال شوم و الكافر أيامه ظللن
.. وخلا مراكيز البيوت ذهيبه
رماهن على بر الفلوح انذلن .. لا
زول عالم زول لو دارى به
طرطيش لا عند الصّعيد انصلن ..
وهو كل واحد حاطه في صيبه
من أسيوط للفيوم فوق تعلن .. و
الرجال تعبو و العيال نحيبه
زعمه يا العين أحوال ما يجّلّن
.. و تردى على وطنا خفا تشلى به
(08) أحوال
تقاصن .. أحوال حيرن كل العقول و حاسن
أحوال كيف قلت نقيس ما ينقاسن
.. أحوال دوم لاهن حرب ولاهن طيبه
أحوال جوّرّن في العيب ما
ينساسن .. أحوال جرحهن ما ينعرف تطبيبه
(09) أحوال حوايل .. أحوال كل يوم
امبينات علايل
الفارس اللى بين السرايا خايل
..بقى اليوم يشّحت و البوْيْب زريبه
بعد كوت يشايص ان رف الجايل
..يفوج م السبيب تقول شاه نجيبه
بعد بيوت بانيهن اتقول وكايل ..
وبعد أموال قانيهن عزّ و هيبه
(10) احوال تغصص .. أحوال عامه ما
هنا تخصص
لا تمتضغ في الفم لا اتمصص ..
لا تنزرط لا تبان منها صيبه
لا تدفّها ترطاس لا تتقصص ..
بلا وين يا متغضبه تغضيبه
(11) أحوال غصايص .. أحوال حولن م
الشغل يد الرايس
تخلى الثلوبه بايتات كصايص ..
مغابين و الواحد يصوط بنيبه
و تخلى اللسنه الفاصحات خرايص .. تقول فم الواحد عاد فيه نشيبه
وتخلى الصقوره الجارحات كرايس
.. قليلا الواحد ما عشاه ايجيبه
